MAZ Thai & BBQ (已結業)

海鮮係好多人既至愛，各個國家既整法都各有特色，今晚有幸係朋友帶路下黎到呢度食泰式海鮮，心情異常興奮期待！第一輪竟然係食生蠔？泰式餐廳有生蠔食都幾架勢，所以呢間餐廳應該係走fusion路線，而呢度生蠔連白酒只係$98，點解可以咁抵？！生蠔仲要食落Creamy又fresh，即刻對呢間餐廳好感度急升。然後食左個泰式汁煮紐西蘭藍青口，呢款青口既口感好肥美彈牙，咬開好juicy，鮮甜味濃，同帶酒香微辣清新既泰式汁好夾，正！分量又夠多，大家都食得好滿足。我最like就係呢個鹽燒馬友，幾大條放上枱已經好吸引，魚肉勁滑細嫩，魚油豐富，仲食到香茅、南薑同檸檬葉既清新，加埋辣椒乾葱蒜汁，酸香微辣極度開胃。