泰廳 (已搬遷) 新店位置

泰國菜有時真係食唔厭～聖誕個排去完泰國已經日日食但翻到黎除左日本菜之外都好想食泰國野，就同男朋友決定入一轉元朗覓食下順便食甜品～～經過見到有間餐廳都幾多人食就諗住試下啦～餐廳環境好企理～牆上掛住好多泰國風味既掛畫圖像～令餐廳更增添泰國既味道～店員都好好服務又會介紹比我地有咩好食！食泰國野必叫既生菜包～呢間d肉碎炒得好香～感覺d香料同平時食既唔同 味道比較上辣少少不過都好香口～但我地就覺得如果再乾身少少會更加完美。生蝦～其實都唔係次次食泰國野會叫，因為試過有餐廳既生蝦唔太新鮮就有d驚～不過泰廳完全無呢個問題～d蝦好新鮮仲好鮮甜～而且又無蝦腸好乾淨 完全放心食😋冬蔭功湯～又係一碗好足料既冬蔭功湯蝦又夠多～菇又多 唔會好酸又唔會偏向重椰奶味～味道做得岩岩好！飲品方面都係例牌叫椰青～泰廳d椰青好大個又多汁～抵飲！