影片
更多
2017-11-30
6790 瀏覽
之前去過2次有間叫韓讚的韓國餐廳，係銅鑼灣渣甸街Aura on Pennington2樓。當我地第二次幫襯嘅時候，餐廳負責人忽然問我地想唔想食泰式焗魚！當時我地都有問，點解韓國餐廳會有泰式焗魚呢？原來樓上3樓係同一間店舖，係食越南泰國菜的。餐廳名“越泰概念 V.Thai”當時試咗條魚的確唔錯。所以今次就約埋可以食辣的家姐一齊嚟試吓“越泰概念“。一開門就係餐廳。燈光火猛。坐位舒適。望望餐牌，種類都幾多。不過負責人話今日有新菜式。就係冬蔭功湯打邊爐。名叫“冬蔭牛肉火鍋”$368一鍋可以足夠3人食。唔夠食仲可以額外加其他食物。到最後我地都加咗金邊粉/牛丸/魚片頭除咗食冬蔭功火鍋之外，當然要食我最鐘意嘅泰式焗魚啦！香茅鹽燒金目鱸$150用好多好多粗鹽去焗，魚入面放咗一條好長好粗嘅香茅。再加上青寧更好味。另有一碟泰式醬汁辣辣地好好味。魚肉夠滑而且冇咩魚骨。真係好值得試最後，我去地仲試咗兩杯奶昔。樣貌一模一樣。所以我要係相特別加上名稱。呢兩杯嘅名堂就係“榴槤奶昔及薑味奶昔”$48榴槤奶昔係用榴槤雪糕加鮮奶打成的。味道唔錯又唔會太傑薑味奶昔係用薑味雪糕加鮮奶打成。不過就唔係好夠薑味。如果加少少新
之前去過2次有間叫韓讚的韓國餐廳，係銅鑼灣渣甸街Aura on Pennington2樓。當我地第二次幫襯嘅時候，餐廳負責人忽然問我地想唔想食泰式焗魚！當時我地都有問，點解韓國餐廳會有泰式焗魚呢？原來樓上3樓係同一間店舖，係食越南泰國菜的。餐廳名“越泰概念 V.Thai”當時試咗條魚的確唔錯。所以今次就約埋可以食辣的家姐一齊嚟試吓“越泰概念“。一開門就係餐廳。燈光火猛。坐位舒適。
望望餐牌，種類都幾多。
不過負責人話今日有新菜式。就係冬蔭功湯打邊爐。名叫“冬蔭牛肉火鍋”$368一鍋可以足夠3人食。唔夠食仲可以額外加其他食物。到最後我地都加咗金邊粉/牛丸/魚片頭
除咗食冬蔭功火鍋之外，當然要食我最鐘意嘅泰式焗魚啦！香茅鹽燒金目鱸$150
用好多好多粗鹽去焗，魚入面放咗一條好長好粗嘅香茅。再加上青寧更好味。另有一碟泰式醬汁辣辣地好好味。魚肉夠滑而且冇咩魚骨。真係好值得試
最後，我去地仲試咗兩杯奶昔。樣貌一模一樣。所以我要係相特別加上名稱。呢兩杯嘅名堂就係“榴槤奶昔及薑味奶昔”$48
榴槤奶昔係用榴槤雪糕加鮮奶打成的。味道唔錯又唔會太傑
薑味奶昔係用薑味雪糕加鮮奶打成。不過就唔係好夠薑味。如果加少少新鮮薑或薑汁，可能更加好味（個人意見）
張貼
