影片
更多
2017-11-02
454 瀏覽
近排特別愛吃泰菜，繼早前去太子吃了頓超抵食嘅泰式咖喱辣蟹後，這晚又再次出動，而今次就揀咗灣仔一間口碑唔錯嘅新派泰菜館「MAZ Thai & BBQ」。餐廳位於蘭杜街，門面以黑色為主調，帶點神秘感。走近細看，頭頂嘅招牌好 Sharp 醒，頗搶眼。從門外往內望，水吧上嘅吊架放滿了各式各樣的酒瓶，唔講仲以為呢度係間西式酒吧添。趟門而入，店面呈長方形，白色牆身配以木系裝潢，帶北歐情調。座位分成左右兩排，左手邊以四人方桌為主，拼墨綠色長沙發；而右手邊就擺放了兩張配咗高凳嘅雲石長檯，裝潢簡約，但亦不失時尚感。餐牌一版過，項目很簡單，食物分成三大類，BBQ、Smaller、Bigger，有傳統也有新派的泰式料理，另外亦有做緊特價嘅 Oyster Combo、冬陰公火鍋，包括有海鮮拼盤同特級牛頸脊，甜品及飲品等。飲品選擇不多，以酒精類為主，由於二人都不太懂品酒，還是乖乖的點 Smoothie 好了。揀咗 55芒果沙冰 ($38) 和菠蘿沙冰 ($38) 各一，兩杯飲品都係自家製嘅，用上新鮮果肉打成，味道好 Fresh，香甜濃郁，夠曬原汁原味。食物方面，先來一客泰式辣肉碎薄餅 ($76) 打開胃口，
近排特別愛吃泰菜，繼早前去太子吃了頓超抵食嘅泰式咖喱辣蟹後，這晚又再次出動，而今次就揀咗灣仔一間口碑唔錯嘅新派泰菜館「MAZ Thai & BBQ」。餐廳位於蘭杜街，門面以黑色為主調，帶點神秘感。走近細看，頭頂嘅招牌好 Sharp 醒，頗搶眼。從門外往內望，水吧上嘅吊架放滿了各式各樣的酒瓶，唔講仲以為呢度係間西式酒吧添。
趟門而入，店面呈長方形，白色牆身配以木系裝潢，帶北歐情調。座位分成左右兩排，左手邊以四人方桌為主，拼墨綠色長沙發；而右手邊就擺放了兩張配咗高凳嘅雲石長檯，裝潢簡約，但亦不失時尚感。
餐牌一版過，項目很簡單，食物分成三大類，BBQ、Smaller、Bigger，有傳統也有新派的泰式料理，另外亦有做緊特價嘅 Oyster Combo、冬陰公火鍋，包括有海鮮拼盤同特級牛頸脊，甜品及飲品等。
飲品選擇不多，以酒精類為主，由於二人都不太懂品酒，還是乖乖的點 Smoothie 好了。揀咗 55芒果沙冰 ($38) 和菠蘿沙冰 ($38) 各一，兩杯飲品都係自家製嘅，用上新鮮果肉打成，味道好 Fresh，香甜濃郁，夠曬原汁原味。
食物方面，先來一客泰式辣肉碎薄餅 ($76) 打開胃口，薄餅以木板呈上，做成長方形，廚師非常貼心，已事先替客人切開，分成數件。拿起一塊入口，原來餅底係用咗雲吞皮製作，難怪食落咁薄身，脆到好似餅乾咁，配上面頭的辣肉碎，香口惹味。如果愛吃榴蓮的話，其實店裡亦有一款 D24 榴蓮薄餅可供選擇，唔知呢款用榴槤做嘅 Pizza，邪惡程度會唔會爆燈呢？可惜筆者不嗜榴蓮，無福消受。
接著是一客泰式燒紐西蘭羊架 ($266)，羊架用一個銀色托盤盛著，下面墊咗秋葵，而旁邊就伴有車厘茄胡麻汁沙律。先切開羊架試試，外層帶少少焦，很香口，中間肉質非常軟腍，肉汁尤其豐富，吃下不膩滯，而且沒半點羶味，蘸點微辛又帶點香甜嘅蜜糖芥末醬吃，令羊肉更加鮮美。墊底嘅秋葵，入口爽滑，車厘茄爆汁，皮薄香甜，配上濃郁的胡麻醬，既惹味又清新。
吃罷肉食，當然要點番客菜蔬來平衡一吓，這碟炒椰菜苗 ($88)，色澤翠綠，廚師選取了椰菜最鮮嫩的中心部分，以蒜蓉爆炒，入口鮮甜爽脆，夠曬油潤，惹味香濃。據說椰菜苗亦是泰國當地的家常菜。
筆者愛吃魚，所以壓軸就點了這道泰菜館常見嘅明爐烏頭 ($166)。原條烏頭用爐具盛著，面頭鋪滿瘦肉、椰菜、酸菜、草菇和檸檬葉等，用料非常豐富，而且烹煮途中，湯汁還不斷溢出，多到簡直滿瀉。另外條魚上桌時，店員還會附上一碗湯底，讓客人品嘗烏頭嘅時候，可以自行添加。挾起魚肉，肉質嫩滑鮮甜，湯底香濃惹味，將魚腥味完全掩蓋，食味一流！
雖然這晚只點吃了幾道菜，但全部味道都唔錯，選材新鮮，用料十足，值得捧場。
張貼
