影片
更多
2021-03-02
325 瀏覽
今次遠離一吓元朗市中心，走咗過嚟元朗圖書館呢邊搵食。經過呢間泰菜，見氣氛唔錯，就決定一試！呢間餐廳環境真係唔錯，餐廳唔算好大，但有室內同室外選擇，燈光稍暗，而且播放住音樂，都幾好feel。一坐低，餐廳職員立即送上餐前小食，青瓜好新鮮，配埋個醬汁，酸酸甜甜好開胃😋今次我哋2個人叫咗泰式燒豬脾仔、沙嗲、馬拉盞炒椰菜苗、廚師特色蝦醬炒飯同2杯可樂。首先嚟到嘅係馬拉盞炒椰菜苗，椰菜苗咬落有質感，配上馬拉盞嘅鹹香，夠晒惹味。個廚師特色蝦醬炒飯一嚟到真係好吸睛，頂層係蝦串，中間係魔鬼魚乾。將個蝦醬炒飯連埋配料撈埋一齊，食起嚟一啲都唔單調，而且仲有提子乾同青芒果，酸酸甜甜，夾埋啲飯一齊食，一啲都唔膩；而且個魔鬼魚乾都幾特別，鹹鮮鹹鮮嘅，起咗一個提鮮嘅作用。佢個泰式燒豬仔脾亦係驚喜之作，火候控制得啱啱好，保留到豬仔脾既嫩滑肉質，啖啖肉，加上泰式酸辣醬，更加惹味。個沙嗲都唔錯，即叫即燒，質感嫩滑唔柴皮，而且肉汁豐富，再配上惹味濃郁嘅沙嗲醬，令人回味無窮！整體嚟講，無論環境、食物同服務都唔錯，好啱朋友仔一齊出嚟飲吓啤酒，食個飯吹吹水😊
呢間餐廳環境真係唔錯，餐廳唔算好大，但有室內同室外選擇，燈光稍暗，而且播放住音樂，都幾好feel。
一坐低，餐廳職員立即送上餐前小食，青瓜好新鮮，配埋個醬汁，酸酸甜甜好開胃😋
今次我哋2個人叫咗泰式燒豬脾仔、沙嗲、馬拉盞炒椰菜苗、廚師特色蝦醬炒飯同2杯可樂。
首先嚟到嘅係馬拉盞炒椰菜苗，椰菜苗咬落有質感，配上馬拉盞嘅鹹香，夠晒惹味。
馬拉盞炒椰菜苗
15 瀏覽
0 讚好
0 留言
個廚師特色蝦醬炒飯一嚟到真係好吸睛，頂層係蝦串，中間係魔鬼魚乾。將個蝦醬炒飯連埋配料撈埋一齊，食起嚟一啲都唔單調，而且仲有提子乾同青芒果，酸酸甜甜，夾埋啲飯一齊食，一啲都唔膩；而且個魔鬼魚乾都幾特別，鹹鮮鹹鮮嘅，起咗一個提鮮嘅作用。
廚師特色蝦醬炒飯
22 瀏覽
0 讚好
0 留言
佢個泰式燒豬仔脾亦係驚喜之作，火候控制得啱啱好，保留到豬仔脾既嫩滑肉質，啖啖肉，加上泰式酸辣醬，更加惹味。
泰式燒豬脾仔
22 瀏覽
0 讚好
0 留言
個沙嗲都唔錯，即叫即燒，質感嫩滑唔柴皮，而且肉汁豐富，再配上惹味濃郁嘅沙嗲醬，令人回味無窮！
沙嗲
15 瀏覽
0 讚好
0 留言
整體嚟講，無論環境、食物同服務都唔錯，好啱朋友仔一齊出嚟飲吓啤酒，食個飯吹吹水😊張貼
