泰COOL (彌敦道) (已結業)

上次經過將軍澳分店已經好想試🥺，可惜好多人排隊未有機會。今次咁啱嚟到油麻地又想食泰國菜，就上嚟碰吓運氣，成功入座✌🏼。青咖喱雞 $88；蒜蓉包 跟咖哩加 $30 + 10%青咖喱帶啲甜甜地微微辣🌶好開胃，咸香鬆軟既蒜蓉包🧄索晒青咖喱汁，極度邪惡。雞肉🐔唔算多，都比較碎。咖哩特別在佢有好多蔬菜喺入邊，有四季豆、椰菜花🥦、豆角，不過好失望嘅係佢嘅薯仔🥔好生，仲係爽脆嘅階段，一啲都唔入味。生蝦刺身 $98（十隻）+ 10%偏向細隻，而且雪藏味好重，冇乜蝦🦐嘅鮮味。好彩個汁酸酸甜甜辣辣🌶幾好食，靠個汁挽回左啲分數。原個椰香海鮮焗飯 配椰青水一杯 $138 + 10%原本對呢個飯都冇乜期待，但入口竟然咁新穎。面頭好似白汁既芡汁好重椰汁味🥥，包住魷魚🦑、蝦同青口。最上面既蝦反而似裝飾多，芡汁入面既蝦🦐比較好食。而估唔到既係連個炒飯底都超重椰香，連埋椰肉一齊炒，口感豐富左，椰味再加強提升🤤。配埋杯清甜椰清水，解膩之餘，仲多一重享受。希望下次再黎試多啲唔同野，係鬧市區既泰國菜黎講都算唔錯，而作為同路人更加值得支持💪🏻。