火の神 (已結業)

早幾日老細話提早放工，我跟同事即刻落去旺角女人街食野啦，呢條街很多不同類型的食店，覓食又一新發現。呢間餐廳是一間有獨立風格的洋食屋，四處充滿日本風情的和風設計，餐牌上亦有日式咖喱飯，炸豬扒飯等，感覺挺好。燒牛扒丼牛肉油脂分佈均勻，肉質非常嫩滑，牛味香濃，牛肉面層的微微焦香味增加食慾。加埋生蛋黃同秘製醬汁一齊，真係回味無窮。唔好睇佢細細碗，牛肉數量很多，食完飯都未食完d牛，非常驚喜又抵食。咖哩吉列豬扒丼咖哩味比較濃，少少辣微甜，我朋友怕辣但又想食下咖哩都接受到。吉列豬扒做得唔錯，很鬆脆，肉質夠稔，以及炸漿及豬扒沒有分離。豬扒跟飯分開另上，咖哩飯份量都多，男人食一定夠飽。丼飯套餐跟麵豉湯，湯入面有蜆肉，令碗湯提鮮味甜。加$8仲有柑桔蜜，我們工作性質都係成日講野，所以熱或凍都好，柑桔蜜微酸香甜，很潤喉。正餐外都想要小食，日式炸餃子，皮薄餡滿，有肉汁。炸雞塊用秘製醬汁醃製，雞肉嫩滑多汁。炸物都係即叫即做，熱辣辣又香口，如果有杯酒呷幾啖仲寫意。