影片
更多
2016-01-31
3988 瀏覽
一個月一次嘅組長訓練，單挑一支公嚟到荃灣，就晌訓練前嚟豚道樂食拉麵，因為見佢排晌十大之內，風評不俗，一於試試其水準如何？由於嚟得早，只喺六點多，所以，見客人唔多，就揀大枱位，費事坐高脚櫈度面壁。室內一派極具和風嘅裝修，牆上掛上少日文牌片，最吸晴應該喺天花燈及倒吊晌上面嘅劍球。餐廳四周主要喺高腳枱櫈面壁位，後尾見唔少人揀坐依啲，原來有免費叉電，哈哈！正中間有兩張大長枱，打住對面可以共坐8個人。餐牌上，已經圖文並茂列晒所有拉麵、小食、飲品。而點餐紙一如其他拉麵店，剔剔剔就搞掂。不過，順便解釋吓「特上」同「普通」嘅分別，兩者相差$13，據店員講前者就喺多半隻溏心蛋、兩塊紫菜，以及有齊豬肩肉同豬腩肉兩款肉，而後者則只可選擇一種肉類，加蛋或紫菜要另外收錢。特上海老湯拉麵 $98見依一款話只有星期六、日供應，仲話每日限量30碗，好好奇佢喺點，所以，揀咗佢。原來，喺以豚骨湯嘅基礎上再加入蝦湯，店員仲話為咗加強個味道，仲有落埋蝦油，而且，豚肉以外，更灑下大量櫻花蝦，所以，蝦味頗為濃郁 、鮮香。麵條可以揀幼麵或曲麵，後者較少食，所以揀曲麵，麵身幾彈牙，又耐浸，每炷麵都掛滿湯汁及櫻花蝦，食晒成碗麵份量可不
由於嚟得早，只喺六點多，所以，見客人唔多，就揀大枱位，費事坐高脚櫈度面壁。室內一派極具和風嘅裝修，牆上掛上少日文牌片，最吸晴應該喺天花燈及倒吊晌上面嘅劍球。
餐廳四周主要喺高腳枱櫈面壁位，後尾見唔少人揀坐依啲，原來有免費叉電，哈哈！
正中間有兩張大長枱，打住對面可以共坐8個人。
餐牌上，已經圖文並茂列晒所有拉麵、小食、飲品。
而點餐紙一如其他拉麵店，剔剔剔就搞掂。不過，順便解釋吓「特上」同「普通」嘅分別，兩者相差$13，據店員講前者就喺多半隻溏心蛋、兩塊紫菜，以及有齊豬肩肉同豬腩肉兩款肉，而後者則只可選擇一種肉類，加蛋或紫菜要另外收錢。
特上海老湯拉麵 $98見依一款話只有星期六、日供應，仲話每日限量30碗，好好奇佢喺點，所以，揀咗佢。原來，喺以豚骨湯嘅基礎上再加入蝦湯，店員仲話為咗加強個味道，仲有落埋蝦油，而且，豚肉以外，更灑下大量櫻花蝦，所以，蝦味頗為濃郁 、鮮香。
麵條可以揀幼麵或曲麵，後者較少食，所以揀曲麵，麵身幾彈牙，又耐浸，每炷麵都掛滿湯汁及櫻花蝦，食晒成碗麵份量可不少，如果大胃王想追加麵條，都只不過$12啫。事後同店員講開，先知幼麵喺日本九州風，份量130g，特點喺麵條幼細、爽口及掛湯；曲麵就喺北海道風，份量150g，特點喺麵條比較粗身、彈牙。
豬肩肉、豬腩肉各有兩片，豬肩肉叉燒肥肉無咁多，加上薄切，唔會好膩，鬆化而有咬口；豬腩肉叉燒就肥肉較多，卻喺充滿油香，當然感覺會喺肥少少啦。
溏心蛋晌昏黃嘅燈光下，蛋黃色澤依然亮麗，凝香柔滑，味濃好食。再追加一隻都喺$10，非常抵食。
飲品方面，除咗有汽水，即喺可樂、雪碧……等等（$10），更特別有一系列日本進口支裝凍飲（$15-$19），既然前者都$10罐啦，就不如加多少少試啲新嘢啦。
山梨桃梳打 $19睇樽身標明採用山梨縣、長野縣出產完熟嘅白桃，可知佢哋嘅白桃都甚具名氣。淺粉紅色嘅梳打，入口白桃味果然好清甜，加上一朕朕梳打汽泡，真喺兩、三炷熱辣辣嘅拉麵，一啖清涼嘅白桃梳打，梳乎過梳乎蛋。
可惜得一支公，可以試嘅嘢唔多，就只喺一碗拉麵，有機會再試試其他拉麵及小食，又睇吓水準如何。
張貼
