帝樂 - 德國餐廳 (已結業)

約左老朋友聚舊，想揾間坐得舒服既餐廳，入去元朗洪水橋既King Ludwin Beerhall ，喜歡果度有園林景觀，同座位舒適。安排入座後，座位夠寛敞，但燈光太陰暗，好不容易才看到餐牌，先叫份農夫飽，外型趣緻，烘得外脆但飽內未算軟囗，惟幸跟配既鵝肝醬非常甘香，完全冇騷味，香草醬非常幼滑可口。 再來碟德國腸拼盤伴酸椰菜及燒薯，用上幾款吾同味道既德國腸，但德國腸肉身吾夠溫度，配酸椰菜味道吾係好夾，還是燒薯夠外脆內軟。 另一碟Meat Balls Cheese Dumplings ,肉丸味鮮多汁，細小既dumplings口感烟靭，配芝士吃非常好味。最後上招牌菜脆皮燒豬踭配酸椰菜薯仔，豬踭燒得皮香肉嫰，賣相吸引，肉味夠濃吾會過鹹，可惜做不到皮肉相連既効果，口感略打折扣。 席上還有歌手伴唱，鄰枱有客人生日，還可點唱生日歌，環境同氣氛相當不錯。