Rech by Alain Ducasse (已結業)

early bird dinner $488 被吸引了。六點至八點的晚餐，只是早一點開始，但係平好多。到左餐廳個天已經開始黑了。餐廳喺地下，個景完全望住海旁，雖然唔高但係都好靚。當天的menu，3 course，兩個女仔食都好夠飽㗎啦。first course: 蟹肉香芒沙律，好食，份量都好多。平時唔係好鍾意食沙律嘅我都覺得好味。我自己係超級鍾意食生蠔，所以點左呢個。估唔到有三隻！超級驚喜，好好味！鱈魚係唯一一碟覺得唔好食，冇乜味！唔建議叫。香煎牛柳伴鴨肝呢個都好有驚喜。我哋叫咗medium，好好食，一啲都唔un。不過呢個就要加$198，但係我覺得係值得加錢最後叫咗兩款甜品都好好味榛子雪糕配朱古力醬同忌廉生熟蘋果朱古力唔會太漏，好味。蘋果肉都好好味，好甜。視乎返自己鍾意食邊樣多啲都可以叫。呢餐好值得啊，環境食物服務態度都非常之好。如果唔想晚餐太貴，又想有酒店嘅服務同享受，非常推介。