Mamaday Studio (已結業)

今次係我第二次嚟，上一次來係平日晏晝三點幾，多人到爆燈，要坐到去樓梯，唔過癮。難以想像星期六日會爆到點..今次我平日一點前到達，終於似樣番啲，得兩三台客，可以影下啲打卡相。整體環境非常適合影相，尤其係室外嘅露台位置，又懷舊又文青。不過如果嗰度有人坐咗，就唔使旨意影到..成間野都幾大，有兩層半，全部都係影相位。至於飲品食物方面，咖啡種類有好多，不過我就飲咗73.5%熱朱古力，$38小杯，非常之香濃！又唔會太甜。我朋友飲咗凍latte，佢話都唔錯。店員非常之有禮貌客氣，周圍影相都唔會有壓力。飲吓嘢Hea一個下晝好舒適，值得推薦丫！比較唔好嘅就係廁所得一格，仲要個馬桶壞咗。