霸王川莊 (已結業)

呢間川菜，元朗Yoho mall個間未結業前，我成日都去食，差不多都一個月一次！事關一大盤魚已經好夠飽，再加多個小菜就十分滿足☺️☺️☺️呢到嘅招牌水煮魚分兩個Size，普通同珍寶！普通已經好大盤，入面嘅配料亦都好多！魚就可以揀鮮魚片或者係桂花魚都得，桂花就滑啲同無骨，但價錢就貴啲！水煮系列就可以加多4項配料，我地就叫左午餐肉、豬紅、水晶粉皮等等！呢至嘅午餐肉同平時食嘅唔同，係炸左再放落去煮😍 魚片好滑，唔會太辣，好香麻味，蒜味！紅油好清，唔會係萬年油！真係食過翻尋味！