新森林焗之專門店 (已結業)

同朋友行街食晏，喺女人街見到呢間餐廳，其中一個朋友話喺其他分店食過，味道都唔錯，大家睇過餐牌都覺得唔錯，決定喺度食午餐。其實焗嘅食物已經好吸引我，呢度牛脷同芝士溜心呢兩款食物。我哋每人叫咗1份午餐，另叫1份下午茶餐，2款追加小食一齊Share。餐廳座位係茶餐廳風格，卡座有少少逼，餐廳亦無洗手間，不過食物質素最緊要，整體味道唔錯。+$18追加小食：釀糯米雞翼(2隻)，脹卜卜嘅雞翼，外皮幾脆，裏面嘅糯米亦好夠味。+$14追加小食：鮮菌芝士焗西蘭花，呢個份量都幾多，西蘭花軟硬硬適中，雖然係芝士，但無滯膩感覺。下午茶餐煉奶厚切西多士，中間花生醬都幾多，不過牛油完全溶唔到。芝士溜心安格斯牛肉漢堡焗飯，肉質好鬆軟，一啲渣同鞋都無，裏面嘅流心芝士加飯上嘅汁勁有滿足感。森林雜扒飯，肉類都大大塊，味道可以。芝士豬柳漢堡焗肉醬意粉，呢度嘅烤焗主食以飯為主，意粉類較少，肉醬意粉但無咩肉，呢度仲有多塊豬柳漢堡就啱啱好，味道都唔錯。慢煮牛坑腩拉麵配豚王豬骨湯+$18追加即炸原件吉列豬扒1件，牛腩有啲鞋，豬扒有少少硬脆，肉質係鬆軟，麵就麻麻，呢個整體一般。