金田家 (已結業)

將軍澳中心裝修完，就去咗呢度shopping行下街！一樓好多野食，行到最尾，見到呢間由日本引入嘅餐廳就打算試下。黑豚拉麵超多黑豚肉！薄切岩岩好！肥瘦就適中。個湯底超濃郁，不過就鹹咗少少。啲麵都可以自己揀普通，軟，硬。本人最鍾意多蒜！！所以，一定會剔多蒜！賣相都好靚，好似花開咁！柚子辛口拉麵呢個好特別，吾係間間有呢個菜式！個湯底嗰啲似飲緊柚子蜜咁。之後有啲辣味，好惹味同好開胃！兩個麵係吾夠食嘅！所以就加左溏心蛋！！超級流心。職員話放係湯入面係特別好食，而且會令到佢暖啲！果然冇令我失望⋯⋯粟米就普通，無乜特別，如果加少牛油，可能會好食啲！紫菜都好夠脆！巨峰梳打吾算好甜，如果加啲啫喱，可能口感會更好！環境都好乾淨，服務員有禮貌，會再吃多次！