影片
更多
2018-08-09
2437 瀏覽
上星期同個好耐冇見既朋友聚會，大家各有各忙，要見一次面都可能要隔幾個月。難得約左出黎見到面，我地想去間舒適高質既餐廳小聚，食下晚餐傾下計🤗因為我地都身處港島區，所以就趁呢個咁好既機會，一齊去金鐘試下呢間叫 Brick Lane 既餐廳。餐廳既設計風格充滿西方氣息，裝潢簡潔時尚。我地六點半就去到，當時餐廳仲未人頭湧湧，但到左七點幾呢啲黃金時段，餐廳就變得熱鬧。餐牌色彩繽紛，十分精美，總共有四、五款不同既主題～ 食物方面有頭盤、小食、湯品、主菜、意粉等等，每一道菜式都非常吸引。至於飲品方面，佢地有果汁、汽水、酒精飲品等等，應有盡有😍事不宜遲，我地立即開始點餐 😝蟹肉番茄青菜沙律 🥗 $158沙律選料好豐富，有沙律菜、番茄🍅、冰菜、蟹肉、青瓜等等，配埋香濃醬料，唔單止口感好爽脆，味道都好有層次感，咸咸地 甜甜地，十分開胃👍🏼要俾好多個like! 佢係我暫時食過最有特式最難忘既沙律之一~ 唔好睇佢既賣相同平時食開既沙律差唔多樣，其實佢既味道好正好特別，啲蟹肉好足料，啖啖肉啖啖鮮味 😋Italian Eggs Benedict 🍳🥓 $108我地點左 Egg Benedict with Pa
因為我地都身處港島區，所以就趁呢個咁好既機會，一齊去金鐘試下呢間叫 Brick Lane 既餐廳。餐廳既設計風格充滿西方氣息，裝潢簡潔時尚。
我地六點半就去到，當時餐廳仲未人頭湧湧，但到左七點幾呢啲黃金時段，餐廳就變得熱鬧。
餐牌色彩繽紛，十分精美，總共有四、五款不同既主題～ 食物方面有頭盤、小食、湯品、主菜、意粉等等，每一道菜式都非常吸引。至於飲品方面，佢地有果汁、汽水、酒精飲品等等，應有盡有😍事不宜遲，我地立即開始點餐 😝
蟹肉番茄青菜沙律 🥗 $158
沙律選料好豐富，有沙律菜、番茄🍅、冰菜、蟹肉、青瓜等等，配埋香濃醬料，唔單止口感好爽脆，味道都好有層次感，咸咸地 甜甜地，十分開胃👍🏼
要俾好多個like! 佢係我暫時食過最有特式最難忘既沙律之一~ 唔好睇佢既賣相同平時食開既沙律差唔多樣，其實佢既味道好正好特別，啲蟹肉好足料，啖啖肉啖啖鮮味 😋
Italian Eggs Benedict 🍳🥓 $108
我地點左 Egg Benedict with Pama ham!! 賣相十分之吸引！班尼迪即係一塊放係底下既麵包，上面放左菠菜、巴馬火腿同半熟雞蛋組成既西班牙菜。雞蛋既烹調方法好特別，要好好控制溫度令蛋黃處於半熟狀態，咁樣食落口感就會變得細滑。
我地特登影相記錄低切開個一刻，因為鮮黃色既蛋漿會好瘋狂咁湧現，睇見都令人垂涎三尺🤤
蛋黃醬汁十分刺激味蕾，旁邊既田園沙律都好好食，放左好惹味既沙律醬汁，我將所有沙律菜一掃而空😁✌🏻
烤西班牙黑毛豬排 🥩 $288
主菜方面，我點左厚切豬排~ 呢塊源自西班牙既豬排好正， 冇諗過係咁香咁好味。一切開啲肉汁慢慢留出，再加上烤到勁香，配埋香甜既apple sauce🍎，完全係味覺既享受😋
成塊豬排都冇乜肥膏，所以罪惡感冇咁大，連朋友試過都覺得幾唔錯☺ 睇下隔離既配菜同裝飾，就可以知道大廚喺炮製呢道菜既時候，應該都花左唔少心思 😍
整體食物水準好高，而且食材選料新鮮，烹調手法亦能夠將食物既精髓呈現俾食客～ 服務員都好親切，主動問我地要唔要追加野飲😁 下次聚舊要再黎Brick Lane ☺️
張貼
