101 Binary

營業中

休息中

朋友住天后，之前經過佢屋企附近話呢間西餐廳好食，今次終於有機會約出嚟去呢度食飯。環境好坐，係一個約朋友食飯吹水的好地方。主菜慢煮和牛面肉伴薯蓉配炸大蒜絲、豆苗沙律，和牛面肉牛味濃，炸蒜絲配薯蓉都好食，薯蓉真材實料。香脆辣蝦米醬大蝦意粉，要了少辣，不過其實都有返咁上下辣，不過辣得來就好香，蝦米同意大利粉呢個組合都幾得意，好惹味，食落幾開胃，大蝦都煮得彈牙爽口。富士山係焦糖加奶，好適合小朋友飲。視覺方面一流，打卡必備，賣相靚，真係成坐富士山咁樣！抹茶牛牛 Matcha Latte好香抹茶味，唔會太甜，又夠熱，好味。甜品Basque Burnt Cheesecake，係流心😍，齋睇都覺得邪惡，甜度適中，口感亦唔會覺得太「漏」，真心覺得好味。