荃灣豐盛酒家 (已結業)

約左同事係度一齊飲早茶先返工，其實酒樓食黎食去都嗰幾味架啦，例牌點鳳爪，蝦餃，燒賣，叉燒包，etc。呢度都係一般酒樓質素，無話特別好食/難食。但以下呢幾樣就個人覺得師傅有心機去整的：蝦餃同蝦腸粉啲蝦大粒得黎係彈牙嘅，無雪味同埋有剔走啲蝦腸。兩個嘅粉皮都好薄，亦都算滑。而呢個上湯腐皮捲，個味較得好好，腐皮吸埋啲湯好好食，我地食左兩籠。最後係呢個流沙奶黃包，個餡多得黎又流得勁👍雖然咸蛋味唔係咁足夠，但我覺得是可以的。埋單二百零蚊五個人， 都ok嘅不過不失。