影片
更多
2009-05-06
10 瀏覽
母親節又好，我自己生日又好，總之就約左世伯同伯母黎食飯（即我阿爸阿媽）；三個人，訂左枱7:30，開動﹗我早到，一坐低，部長姐姐就極力推介我食母親節套餐，但我睇見就麻麻地，而且都應該食唔晒，所以我都睇返散叫，個menu都有好多款式選擇，特價著數嘢亦多，唔經唔覺，睇睇吓佢兩位都到了，我地叫左以下：1. 游水老虎班（$168一條） 條魚一上枱，阿媽就話「只有游水魚先唔使用薑一齊蒸」，我睇吓，又係wor，d肉真係好鮮味，阿媽鐘意食骨，阿爸對魚麻麻地，造就我可以啖啖肉。酒樓蒸魚d豉油自己較過，同屋企個d真係好唔同，鮮魚，蔥，豉油，成件事好完美﹗2. 豉汁蒸帶子（$48蚊4隻） 蒸帶子梗係有d粉絲墊底，但我反而覺得佢齋蒸帶子已經好ok，因為d粉絲好削好散，唔掂。4隻，就梗係我食多隻啦，無理由要兩位老人家食多隻嘛……帶子本身厚肉，有鮮味，加埋D豉汁反而濃味過頭，如果淡返D就好D﹗3. 濃湯怪味雞（$78半隻） 原先諗都諗唔到D濃湯怪味係乜黎？見到佢上枱，真係「估佢唔到」。油林林咁，浸住半隻雞，試一啖，其實有D似鹽焗雞，不過佢比鹽焗雞多左一D嘢，我唔知估得啱唔啱，我估係椰汁
我早到，一坐低，部長姐姐就極力推介我食母親節套餐，但我睇見就麻麻地，而且都應該食唔晒，所以我都睇返散叫，個menu都有好多款式選擇，特價著數嘢亦多，唔經唔覺，睇睇吓佢兩位都到了，我地叫左以下：
1. 游水老虎班（$168一條）
條魚一上枱，阿媽就話「只有游水魚先唔使用薑一齊蒸」，我睇吓，又係wor，d肉真係好鮮味，阿媽鐘意食骨，阿爸對魚麻麻地，造就我可以啖啖肉。酒樓蒸魚d豉油自己較過，同屋企個d真係好唔同，鮮魚，蔥，豉油，成件事好完美﹗
2. 豉汁蒸帶子（$48蚊4隻）
蒸帶子梗係有d粉絲墊底，但我反而覺得佢齋蒸帶子已經好ok，因為d粉絲好削好散，唔掂。4隻，就梗係我食多隻啦，無理由要兩位老人家食多隻嘛……帶子本身厚肉，有鮮味，加埋D豉汁反而濃味過頭，如果淡返D就好D﹗
3. 濃湯怪味雞（$78半隻）
原先諗都諗唔到D濃湯怪味係乜黎？見到佢上枱，真係「估佢唔到」。油林林咁，浸住半隻雞，試一啖，其實有D似鹽焗雞，不過佢比鹽焗雞多左一D嘢，我唔知估得啱唔啱，我估係椰汁，夠怪未呢？但係無論乜味都好，我就覺得佢唔夠入味，即係雞皮就有D味，D肉就同白切雞冇乜分別﹗
4. 白銀蛋莧菜（$58）
基本嘢啦，但係叫左佢要整淋D，阿爸食唔到硬嘢，到最後阿爸只食到菜葉，但對我同阿媽黎講又幾好味BOR
5. 甜品 - 流沙包（20蚊半打）
其實我一向都唔食甜嘢，不過我老豆就極度喜愛（真係唔知點解？）咁其實食完上面4樣嘢，大家都已經好飽（其實都食唔晒），但我地都照叫左半打流沙包……真係好奇怪架，一人食兩個都得WOR。講返流沙飽先，我一食就流沙了，好熱，好流，好滑，加上又唔係好甜，我真係好鐘意，我會為流沙包下次再encore
6. 白飯一碗$8
張貼
