龍如酒家

營業中

休息中

呢個地方我未嚟過，一心只想食海鮮同行吓睇吓，香港食海鮮比較出名嘅地方我都會想試吓，多數都會比較偏遠，呢一站嚟到流浮山。嚟到已經係夜晚，好多舖頭都閂晒門，我哋隨便揀咗間坐低食海鮮。餐廳嘅枱布係綠白色格仔好懷舊，客人唔多，只有幾枱，我哋兩個人揀咗啲海鮮，另外再叫咗半隻雞，味道唔錯但都幾細碟，埋單嘅價錢可以接受嘅。半斤蝦，蝦肉新鮮彈牙，份量有啲少。豉椒炒蟶子，幾惹味。蒜茸粉絲蒸扇貝，蒸得唔錯，清清哋，粉絲吸晒扇貝鮮味。怕唔夠飽叫多半隻雞，雞肉都幾韌，味係夠嘅。鮑魚蒸得唔錯。斑仔都蒸得幾滑。