影片
更多
2013-10-16
92 瀏覽
大約個零月前係FB見個fd share咗d相出嚟推介呢間甜品店，講到抵食又好食咁吸引，真係要會一會呢個大角咀小王子！當日OT到6點幾，時間唔湯唔水咁，醒起一直未試呢間嘢，於是叫埋幾個fd一齊去試兼吹吓水！我哋3人各自柯打咗雜果窩夫，榴槤奶凍同朱古力心太軟！食食吓，有個四眼仔埋嚟問我哋有無興趣試吓佢哋試業期間限售嘅抹茶心太軟（餐牌無呢款㗎！），由於我對綠茶係有特別偏好嘅，而且又唔係太貴（好似係$58），而且我未聽過其他甜品店有呢個口味，個fd又話想試，咪柯打埋一齊share囉！真係唔試由自何，一食就上癮，雖然味道略甜，但綠茶味濃，外層仲有少少脆，食完一啖之後，個陣綠茶味仲留係口度，勁回味！我堅like，不過可惜我哋心急掛住食而忘記影相，低能咗！其實第一round柯打嘅朱古力心太軟都好正，唔輸蝕得過我頭號至愛個間大埔墟廣福道「心泰遠」嘅招牌心太軟㗎！雜果窩夫都好正，個窩夫入口時雖然唔係熱辣辣，但仲係脆口個吓特別，我個fd仲食到清埋碟，有d誇！生平至憎榴槤味，所以我無試榴槤奶凍，雖然我聞唔到個陣至惡毒嘅煤氣味，但我fd話食落好有味兼有榴槤肉，唔知係咪真係咁正呢？最後係唯一食唔晒嘅雜果涼粉，我
當日OT到6點幾，時間唔湯唔水咁，醒起一直未試呢間嘢，於是叫埋幾個fd一齊去試兼吹吓水！
我哋3人各自柯打咗雜果窩夫，榴槤奶凍同朱古力心太軟！食食吓，有個四眼仔埋嚟問我哋有無興趣試吓佢哋試業期間限售嘅抹茶心太軟（餐牌無呢款㗎！），由於我對綠茶係有特別偏好嘅，而且又唔係太貴（好似係$58），而且我未聽過其他甜品店有呢個口味，個fd又話想試，咪柯打埋一齊share囉！真係唔試由自何，一食就上癮，雖然味道略甜，但綠茶味濃，外層仲有少少脆，食完一啖之後，個陣綠茶味仲留係口度，勁回味！我堅like，不過可惜我哋心急掛住食而忘記影相，低能咗！其實第一round柯打嘅朱古力心太軟都好正，唔輸蝕得過我頭號至愛個間大埔墟廣福道「心泰遠」嘅招牌心太軟㗎！
雜果窩夫都好正，個窩夫入口時雖然唔係熱辣辣，但仲係脆口個吓特別，我個fd仲食到清埋碟，有d誇！生平至憎榴槤味，所以我無試榴槤奶凍，雖然我聞唔到個陣至惡毒嘅煤氣味，但我fd話食落好有味兼有榴槤肉，唔知係咪真係咁正呢？
最後係唯一食唔晒嘅雜果涼粉，我個fd話唔係好夠甜，雖然哥仔已好識做咁俾多杯糖膠我fd加，可能因為之前share個d嚟食已經食甜咗條脷啦！佢最後都係無食晒就埋單喇！
最後總結（以我口味為準則）：
至正…… 抹茶心太軟
幾正…… 雜果窩夫 / 朱古力心太軟
唔知正唔正…… 榴槤奶凍 / 雜果涼粉
題外話/補充資料：
1）呢度同其他甜品店最唔同嘅係佢會有清水供應，抵讚！
2）半圓形卡位，坐得舒服，傾偈又方便，正！
(以上食評乃用戶個人意見 , 並不代表OpenRice之觀點。)
張貼
