影片
更多
2008-01-03
24 瀏覽
2007年吃過不少鍾情的食物, 最深刻應該係中州屋台, 而這個係07年最後一個星期六的午餐, 也幾難忘. 當然, 應該沒有下次, 吃著的時候係特別珍惜. 其實知道麗嘉結業, 一早也打算來吃一餐, 之前吃過樓下的自助餐, 感覺麻麻, 所以都係來這裡最穩陣. 想訂個星期六午餐, 要等一個月先有位, 但是日來到又發現其實未滿.一早在公司開完會, 就過來會合文迪, 剛好十二點來到, 當然未有人客, 也正好讓我慢慢去影相. 這裡的地方比較細, 但係環境係好優雅, 牆上大大幅的畫, 好像走入了博物館.星期六午餐收$348一位, 先有自助頭盤, 之後係10款主菜揀1款, 再有自助甜品, 咖啡/茶同甜點.先來的當然係麵包, 三款麵包當中, 最喜愛的係香草包, 面頭的香草係幾香的. 不過對凍的包始終不太有好感.Antipasti Buffet: 9分, 放在大油畫前的前菜, 好像升格了不少. 幾款火腿都好出色, 切得夠薄, 一啖咬落口係即溶的, 仲係有陣鹹香的. 看上去像南瓜批的蛋餅蛋味足, 菜係好新鮮的, 燒牛肉上面加上粒番茄, 口感不俗. 煙三文魚係幾好的, 有淡淡然的煙薰味. 這個自助頭盤, 選擇
一早在公司開完會, 就過來會合文迪, 剛好十二點來到, 當然未有人客, 也正好讓我慢慢去影相. 這裡的地方比較細, 但係環境係好優雅, 牆上大大幅的畫, 好像走入了博物館.
星期六午餐收$348一位, 先有自助頭盤, 之後係10款主菜揀1款, 再有自助甜品, 咖啡/茶同甜點.
先來的當然係麵包, 三款麵包當中, 最喜愛的係香草包, 面頭的香草係幾香的. 不過對凍的包始終不太有好感.
Antipasti Buffet: 9分, 放在大油畫前的前菜, 好像升格了不少. 幾款火腿都好出色, 切得夠薄, 一啖咬落口係即溶的, 仲係有陣鹹香的. 看上去像南瓜批的蛋餅蛋味足, 菜係好新鮮的, 燒牛肉上面加上粒番茄, 口感不俗. 煙三文魚係幾好的, 有淡淡然的煙薰味. 這個自助頭盤, 選擇不太多, 但係每一樣也係有水準的.
Linguine with Lobster and Eggplant: 8分, 主菜要了一粉一肉. 這個Linguine幾足料的, 入面的龍蝦肉不少, 夠新鮮, 肉也嫩滑. 但係不太喜歡個茄汁, 無乜特別, 只係大路的酸酸尾尾, 比起沙巴那邊的即著意粉係差一點.
Grilled Lamb Chops with Herbs and Olive Oil: 9分, 月前吃過珀記那邊的羊肋排, 厚身得來係相當嫩滑, 是日吃的係比較細件, 但係也同樣地嫩滑, 不過吃落口好像乾身了點. 或許小弟其實有點怕騷的, 是日的羊, 我就覺得已有足夠騷味了.
Indulge in Sweets from our Dessert Gredenza: 9分, 再來的係自助甜品. 朱古力蛋糕一大件, 未切開的, 小弟搞了一輪也沒辦法切得好, 還是留給文迪出馬好了. 朱古力味道係相當濃郁, 淺吃小小好了. 芝士餅反而沒有想像中的濃烈更加容易入口. 小小的一件綠茶甜品, 小弟還以為綠茶清清地, 一人一件吃也無問題. 怎知原來唔係綠茶慕斯, 而係綠茶芝士蛋糕, 個芝士味係極之濃, 吃了兩三口之後也沒辦法再吃下去. 什果撻面頭的什果係偏酸, 不過個餅皮係好鬆化. 曲奇餅脆脆的, 沒有了牛油味, 但係有香濃的杏仁味, 也很精彩. 唯一熱的甜品栗子crumble脆卜卜的, 栗子不太甜, 比吃蘋果的味道更匹配. 小弟係吃完一轉再來一轉. 意大利芝士餅又係相當濃烈的朱古力, 吃落口帶點苦澀味.
Caffe: 當然係要了咖啡來送甜點, 夠香濃.
Pasticcini: 8分, 共有八款, 酸酸的乾果不太懂得欣賞. 朱古力係繼續的濃烈. 都算不錯, 但甜點來講, 也有不少地方做得更有水準.
整體食物係高水準的, 但係又未到最高水準. 意菜來講, 還是鍾情沙巴. 吃完這餐的感覺係幾滿意, 但又好像想不出它有甚麼特別深刻的地方. 當然, 依然係城中值得推介的餐廳.
轉眼間, 五百了.
張貼
