浪人日本料理 (已結業)

平時呢係浪人食午餐就食得多，晚餐今次都係第一次，估唔到佢嘅放題真係有驚喜。我哋大約七點幾到達，餐廳已經有好多人喺度食緊自助餐啦。咁侍應就帶我地去到一個幾舒適嘅位置先坐低同我地介紹除咗自助餐吧之外仲可以喺餐點紙上面叫嘢食。先講日式嘢食方面，佢有三文魚劍魚帆立貝等等嘅刺身全部都10分新鮮鮮甜可口。壽司方面都有鵝肝壽司海膽壽司呀同埋蟹腳壽司等等，全部都唔係一啲好普通嘅壽司。熱食方面亦都有天婦羅同埋唔同類型嘅燒烤包括牛肉串菠蘿羊架等等。燒烤嘢食係即叫即燒有專人服侍唔使驚會凍左。如果仲未飽亦都可以選擇一啲主食例如鰻魚炒飯清酒煮蜆同埋吉列蠔等等。基本上全部都唔會令食客失望，可以一試再試。 除咗一般自助餐食到嘅嘢食之外，呢度做提供清酒同埋梅酒任飲，適合一種喜愛杯中物的人士。食完主食亦都係時候食下甜品，甜品選擇亦都有大約10款包括時令生果，雪糕，班cake，同埋唔同類型嘅切餅，可以滿足唔同人士嘅要求。總已而言，浪人嘅午餐同埋晚餐都有相應嘅水準。如果你係想食一餐豐富嘅自助餐浪人係你不二嘅選擇。