太陽蕃茄拉麵 (已結業)

又一出名拉麵來到香港變得面目全非⋯號稱全日本拉麵榜排第七既拉麵，竟然如此。餃子一碟六隻，唔熱得來裏面仲有怪味，食兩隻已經係極限。講到拉麵，我相信日本總店絕對唔會用超巿幾蚊雞即食拉麵做麵底，但來到香港竟然慳水到咁，個即食麵底上枱已經黏作一團。先試咗個燒雞拉麵，個湯本來幾清甜尚可入口，但卻被呢啲即食拉麵攪到不倫不類，清湯變成嚴重得令人倒胃的鹼水湯，鹼水味完全蓋過清湯味，是全店最敗北之作。蕃茄拉麵則好少少，主要是醶水味好像被蕃茄湯蓋過，道理有如星爺响食神裏面形容既咖哩魚蛋豬大腸一樣，可是入到口還是嚐到那一陣濃烈既鹼水味。縱然其他小吃如雞軟骨、芝麻雞翼、黑醋雞翼等尚算ok，但誰會打算去到只吃配角既小吃而不吃主打既拉麵同餃子？標榜全日本拉麵排行榜第七位主打蕃茄拉麵，但卻是全店最失敗之作，難怪縱然開在人流過盛既將軍澳仍然不用等位之，且仲有一半枱冇人坐。