Mezze (已結業)

香港好少中東菜，經朋友介紹一間出色中東菜，今日終於得閒去試下啦。餐廳係地鐵站附近，位於尖沙咀The Hart 4樓。餐廳裝潢好靚好特別，氣氛浪漫，餐廳還有室外環境，同朋友收工飲下野都幾唔錯。MENU 選擇都好多，幾經辛苦終於揀到食咩啦。BBQ WINGS $92總共有6隻，賣相非常靚，燒烤汁非常惹味，而最欣賞係餐廳既餐碟，好特別。配菜既沙律亦非常新鮮。Fattoush $80呢一道係一個經典既中東沙律，鐘意食沙律既朋友一定要試下。材料多，幾款唔同既菜、蕃茄、牛油果等，味道非常豐富，又酸又有甜，好開胃。Shrimp Aglio e Olio $148呢個係一個大蝦意粉，大蝦鮮甜，蝦肉彈牙，意大利粉軟硬適中，蒜香味十足，份量二人Share剛剛好。總結，中東菜係香港少有，做得出色既更加少有，MEZZE 做得好出色，如果想試中東菜，呢一間一定係首選。