影片
更多
2019-03-05
2653 瀏覽
2019年3月2日 星期六今晚專登同女朋友去到中環撐枱腳燭光晚餐❤️❤️地點唔算太難搵，一出lift就見到大大個餐廳牌入到去發現地方唔算太大，氣氛好浪漫，好啱情侶黎拍拖食飯，最特別係有個舞台，據店員講逢星期五都有live band黎唱歌架！！牆上面寫好晒店舖推薦菜式，今次就一於試下廚師推介點完菜之後就有餐包送上黎，黎到既包好脆，可以點橄欖油一齊食，會無咁乾呢個菜主要係牛仔骨出面包住紫菜，聽店員講牛肉用左至少十八小時用抽真空嘅方式煮，所以入面好juicy，然之後用紫菜住，再煮熟先拎去炸分成五份，最後上面再有少少紫菜粉。食落感覺好特別，紫菜好脆而牛肉炸完都仲係好腍又多汁之後有半份既蟹肉龍蝦汁意粉，有好多蟹肉，差唔多每夾一啖都食到，而且龍蝦汁好濃味，同意粉好配合。意粉比平常果d再粗身，感覺到係自制手工意粉，更加彈牙再黎半份carbonara，上面有好多海膽！！食落去仲有海水既鮮味，然後將蛋黃再撈埋一齊食口感又再唔同d。最特別係個粉好似係通心粉咁，煮得岩岩好，唔會太腍而有咬口最後到重點既廚師推介燉羊肉，用左羊BB黎煮，而呢d羊由出世開始只係飲奶大，所以食落去好重羊so味，加上煮咗好耐所以入味得來又
今晚專登同女朋友去到中環撐枱腳燭光晚餐❤️❤️
地點唔算太難搵，一出lift就見到大大個餐廳牌
入到去發現地方唔算太大，氣氛好浪漫，好啱情侶黎拍拖食飯，最特別係有個舞台，據店員講逢星期五都有live band黎唱歌架！！
牆上面寫好晒店舖推薦菜式，今次就一於試下廚師推介
點完菜之後就有餐包送上黎，黎到既包好脆，可以點橄欖油一齊食，會無咁乾
呢個菜主要係牛仔骨出面包住紫菜，聽店員講牛肉用左至少十八小時用抽真空嘅方式煮，所以入面好juicy，然之後用紫菜住，再煮熟先拎去炸分成五份，最後上面再有少少紫菜粉。食落感覺好特別，紫菜好脆而牛肉炸完都仲係好腍又多汁
之後有半份既蟹肉龍蝦汁意粉，有好多蟹肉，差唔多每夾一啖都食到，而且龍蝦汁好濃味，同意粉好配合。意粉比平常果d再粗身，感覺到係自制手工意粉，更加彈牙
再黎半份carbonara，上面有好多海膽！！食落去仲有海水既鮮味，然後將蛋黃再撈埋一齊食口感又再唔同d。最特別係個粉好似係通心粉咁，煮得岩岩好，唔會太腍而有咬口
最後到重點既廚師推介燉羊肉，用左羊BB黎煮，而呢d羊由出世開始只係飲奶大，所以食落去好重羊so味，加上煮咗好耐所以入味得來又好腍，唔需要用刀切都可以即時分開啲肉。至於隔離嘅蒜蓉包就可以點汁一齊食，啲汁都充滿羊so味
埋單雖然有啲貴，不過中環地段來講加上浪漫嘅情調同特別嘅食物，整體都算唔錯
張貼
