影片
更多
2019-03-23
971 瀏覽
對好多人而言，去馬灣都係幾唔方便嘅一件事，不過對我其實唔難。話雖如此，自己都係最近先知馬灣呢個地方。既然有時間，就去馬灣轉個圈，順便試試呢到嘅餐廳。因為訂咗位嘅緣故，好快有得入座。餐廳分為室內室外座位，我地揀咗坐室外。枱櫈都係偏細，不過枱面放有一小盞偽蠟燭燈，再加上可以望到沙灘同對出青馬大橋風景，感覺都幾chill同浪漫。餐廳嘅菜式對我而言都偏貴，所以我最後揀咗較平嘅德式香煎肉餅配薯餅，而同行人揀咗德國烤雞配薯條。德式香煎肉餅配薯餅薯餅同平時係M記食到個種幾唔同，除咗薯仔，仲食到薯餅伴以蔬菜絲，比起一般薯餅健康啲。味道相對清新，油膩感會少啲。相信薯餅係自家製，而非係出面買袋裝薯餅再煎。至於肉餅，外形同味道上都比較似漢堡扒。肉餅都算厚身，肉汁豐富。咬落肉質軟稔，雖然唔太食得出有邊啲肉，但都幾好食，有飽足感。德國烤雞配薯條雖然係同行人點嘅菜，但我地都開心share咗對方嘅食物，所以都想講下haha。一上碟已經聞到香烤味，將醬汁淋上炸雞一齊食風味更佳。雞肉烤得幾香，不過肉質都係偏乾，所以要靠醬汁搭救。而薯條都炸得唔錯，金黃香口。
話雖如此，自己都係最近先知馬灣呢個地方。
既然有時間，就去馬灣轉個圈，順便試試呢到嘅餐廳。
因為訂咗位嘅緣故，好快有得入座。
餐廳分為室內室外座位，我地揀咗坐室外。
枱櫈都係偏細，不過枱面放有一小盞偽蠟燭燈，
再加上可以望到沙灘同對出青馬大橋風景，感覺都幾chill同浪漫。
餐廳嘅菜式對我而言都偏貴，
所以我最後揀咗較平嘅德式香煎肉餅配薯餅，
而同行人揀咗德國烤雞配薯條。
德式香煎肉餅配薯餅
薯餅同平時係M記食到個種幾唔同，
除咗薯仔，仲食到薯餅伴以蔬菜絲，比起一般薯餅健康啲。
味道相對清新，油膩感會少啲。
相信薯餅係自家製，而非係出面買袋裝薯餅再煎。
至於肉餅，外形同味道上都比較似漢堡扒。
肉餅都算厚身，肉汁豐富。
咬落肉質軟稔，雖然唔太食得出有邊啲肉，但都幾好食，有飽足感。
德國烤雞配薯條
雖然係同行人點嘅菜，但我地都開心share咗對方嘅食物，所以都想講下haha。
一上碟已經聞到香烤味，將醬汁淋上炸雞一齊食風味更佳。
雞肉烤得幾香，不過肉質都係偏乾，所以要靠醬汁搭救。
而薯條都炸得唔錯，金黃香口。
張貼
