Dap Modern European Restaurant (已結業)

友人邀請我同媽媽午聚，突然想起Dap, 因之前家姐大力推介此浪漫餐廳！所以我提議友人一齊去試試。可能我們太早到達，餐廳好似末ready開門……… 但望真，确實是一間非常歐陸浪漫的餐廳我們叫咗4個set lunch, 頭盤有:脆炸軟殼蟹伴吞拿魚薄片，三文魚三重奏，龍蝦粟米湯。賣相非常靚！味道不錯，尤其嗰湯，非常creamy ,有粟米香！Main course: 田螺肉醬焗千層面，香蒜扒羊柳，扒肉眼扒配銀魚柳賓尼士汁。千層面十分惹味，濃度適中，唔會因肉醬而油膩！正！羊柳肉質不差，味道可以，可惜唔夠熱……，肉眼扒就ok, 無驚喜……全程最有heart同驚喜就係desserts platter !! 有奶涷，西瓜汁同tiramisu 。味道由淡至濃，口感十足，最後加一杯餐後咖啡，雖然咖啡一般，冇咖啡油，質感比較薄，掠苦。總括來說，都是值得一試！