米克.諾斯 (已結業)

情人節正日要揾餐廳食飯，好多時又貴又要爭地方，幸好今年的元宵節同情人節只係相差三日，所以決定同老公提早慶祝一下。來到呢間响觀塘工業大廈入面的餐廳，全場是以天藍色為主調，門口旁邊擺放一些音響設備及樂器，和掛了數幅歐陸海旁的畫像，讓我感覺像置身歐洲的海岸線邊緣吹住海風一般。前菜有2個沙律2個湯，2個沙律酸味味好開胃。而餐飽暖笠笠好鬆軟，配埋兩碗湯的味道一齊食用真係好合拍。主菜選咗 聖子．蟹肉．青瓜蛋黃醬窩夫漢堡配薯條 和  米蘭式比吉打雞意大利飯。前者薯條夠粗帶少少辣味，味道唔錯，而漢堡以窩夫做皮，單吃個皮我覺得都幾甜，所以連埋個餡一齊食就可以中和這個甜味，而且口感會豐富好多。後者個雞肉外面個皮很薄脆，而中間 d 肉食落唔鞋口，煮法好特味，真係覺得幾好味。見到呢個甜品，覺得廚師真係好有心思，因為這不只是一款甜品，更加係一幅畫，好有藝術氣息。朱古力慕絲的古力味夠哂香濃，配合伴碟的水果幫助消膩，唔會太甜味所以感覺剛剛好。