Plato (已搬遷) 新店位置

去旺角一帶晚上泊車都幾吾方便，今晚男友泊左個好地方，係近油麻地嘅，行落樓梯，見到間吾錯嘅餐廳，醫左肚先。呢間係係中華書局旁邊，好似自成一角咁，幾有feel，可能係地理不太方便，所以晚飯時間吾算多人，吾洗等位係旺角晚飯時間真係好。我食左dinner set，我食左小食再追加了多樣，推介英式炸尤魚圈，即點即炸，好香炸，好食，另外水牛城雞翼都好惹味。法國牛肝菌帆立貝忌廉汁意大利粉，好食丫，好creamy，不過又吾會太over，仲落左好多菇菌岩晒我，帆立貝好大粒，煎得好香，吾錯，幾好味，意粉份量都好多，吾會其他西餐得兩條，呢碟食完好飽，又好食。食左杯牛奶咖啡，吾錯，傾下計relax下，完美一餐。