小田田主題餐廳 (已結業)

聖誕節當然係同男朋友去撐枱腳，原來約左旺角，但好食既又勁多人，唔好食既又唔想食，所以最後轉去太子搵食。太子出名多小店，今晚我地就揀左呢間裝修都幾靚既小田田餐廳，食番個西餐應下節，浪漫一下。我地點左個Little Farm 套餐同牛柳粒南瓜意大利飯Set。首先黎左兩個湯，一個龍蝦忌廉湯、一個磨菇湯，兩款都好濃味，蘑菇湯仲好有口感，食到粒粒蘑菇。沙律都唔錯，有煙肉碎同火腿。之後到牛柳粒南瓜意大利飯，牛柳粒有安格斯質素，入口重牛肉味，意大利飯略嫌唔夠硬身，但南瓜蘑菇汁就好juicy，好夾。之後到頭盤芝士焗韓國生蠔拼虎蝦，虎蝦好大隻，食落好爽身，焗蠔都好新鮮，芝士煙肉同焗蠔意認真絕配。推介。然後到主菜，鵝肝配bb火雞，喜歡鵝肝既我好滿意，入口即溶，外脆內軟，好香口。而bb火雞同燒春雞好似，肉汁好多，肉質都嫩滑。最後係甜品，我地揀左紫薯心太軟，好特別，濃濃紫薯味同有流心，再配有少少酒味既雪糕，絕配！整體服務都好滿意，好親切。