Cube O Cafe

營業中

休息中

早前去完海洋公園嘅企鵝餐廳之後，就一直搵吓有冇類似可以近距離同動物共進晚餐嘅餐廳😂估唔到荃灣就有呢一間水母特色主題餐廳。入到去真係哇一聲，環境比較昏暗，好浪漫的感覺，再配合海底世界嘅投影，好有氣氛！好欣賞佢哋一點，就係每一台隔離都會有一個水母觀賞魚缸，而每一台嘅水務品種都唔同，可以近距離望住飄下飄下嘅水母共進晚餐，真係好特別，超級適合情侶到訪，好特別嘅體驗！🎈美國粗薯條配自家製黑松露醬$78黑松露醬好濃郁好滋味，食得出薯條全部都係即叫即炸，熱辣辣好脆口，食到停唔到口。🎈西班牙紅蝦三文魚籽意大利飯$298紅蝦好大隻，同埋好爽口，入邊仲會有少少膏添。意大利飯煮得啱啱好，唔會太硬，粒粒分明，每一粒飯都吸收左好濃郁嘅龍蝦汁。🎈香煎法式鵝肝配自家製紅莓醬 $188雖然得一舊，但真係好好食！因為鵝肝比較厚身，加上紅莓汁微酸甜，又唔會遮蓋鵝肝嘅味道，而且完全冇油膩感！🎈10oz厚切安格斯肉眼扒$428足足10安士嘅安格斯肉眼扒，肉質非常多汁，每一啖都好有牛味，而且都夠嫩，唔會好鞋。🎈Lychee Cider $88荔枝味好動，但又唔會死甜，飲得出有少少青檸嘅味道，感覺好清新，十分解膩。