Le Relais de l'Entrecôte (已結業)

呢間餐廳想來好耐了，可惜未有機會，剛好同女友灣仔食飯，就想到上來，比起剛開店時既情況，依家無甘多人，晚上七點鐘到左都唔洗等位，呢到環境好好，被安排坐窗邊位，可以安心談心。食物呢到得一個牛扒餐，包法包，合桃沙律菜同牛扒。法包兩個人有六件，配上牛油好好食，可惜量太多，最後食唔囇。沙律配上合桃同沙律醋，好味好開胃。主菜牛扒要左medium, 有肉汁，份量不少，配上個個岀名既香草汁真係一流，另外配上既薯條都好好味，調味剛好，不過比較熱氣，可配上香草汁食，都好好味。我地都無叫到飲品，女侍應主動俾水我地，仲不時加水，服務好好。最後叫左cream brûlée 做甜品作結，甜品menu 唔識叫，好在侍應俾多張有相既menu 我地選，加分。食左兩個多鐘，就算食完野傾計時，侍應都不時加水，傾計好好，雖然價錢唔平，不過下次會再黎。