Casa Di Luna (已結業)

蟹肉牛油果他他🦀🥑滿瀉嘅蟹肉，加埋creamy牛油果，擺盤亦都好有心思，上面一條條嘅脆卜卜唔止靚之餘，仲豐富左口感，令人期待之後嘅主菜🤓龍蝦湯🦞🫕係真正有龍蝦嘅龍蝦湯，味道濃郁，龍蝦蝦頭嘅甘味喺口入邊爆發🤩🤩真材實料啊！香煎羊架配牛油薯蓉🍖事先聲明我係唔食羊嘅，但係呢個羊架絕對係今晚最優質嘅菜式❤️‍🔥❤️‍🔥都要多謝愛吃羊嘅男友叫左，肥瘦均勻，香煎左嘅表面切開係勁細嫩嘅羊肉，另外大家一定要食晒呢個牛油薯蓉✴️打到好柔細之餘超重牛油香味😆💕慢煮豬鞍配蜜桃汁🥩豬鞍勁大件，啱晒食肉獸，通過慢煮方式🧑🏻‍🍳鎖住裏面嘅肉汁，切開仲見到粉紅粉紅💓比較特別嘅蜜桃汁甜甜酸酸咁好開胃😋😋Casa Di Luna 提拉米蘇🍰打卡一流嘅月球甜品，用咗模仿月球表面質地嘅容器🌕🌑唔止睇得，味道都好好食呀，為今晚嘅大餐畫上圓滿句號🥰