影片
更多
2017-12-27
460 瀏覽
又到聖誕! 又到聖誕! 老公好怕人多, 所以提早訂枱同我食聖誕大餐, 搵左間好有情調既西餐廳同我慶祝.Lab Eat 雖然唔近地鐵站, 但勝在夠格調, 燈光好柔和, 就好似食緊candle night dinner咁, 感覺好romantic, 適合兩公婆拍下拖仔, 享受二人世界! 而且聖誕節, 多左好多聖誕佈置, 好有節日氣氛啊, 真係sweet sweet 既呢！望住份MENU 真係花多眼亂, 貼心既店員推介左幾款食物俾我地, 之後老公發板, 揀好食物後, 店員先黎杯餐前酒 + 餐前麵包. 餐前麵包 - 意式軟包微暖鬆軟, 配上橄欖油同黑醋, 係standard Italian taste!餐前酒 - Gls Volare Rose黎到咁有情調既餐廳慶祝, 又點可以少左酒呢, 店員介紹左呢支Gls Volare Rose俾我地, 支氣泡酒甜甜地好易入口~ Lobster Bisque(龍蝦湯)嘩~ 龍蝦湯真係不得之了, 龍蝦味非常非常之濃郁, 廚師將個湯打到非常幼滑, 仲有啖啖龍蝦肉, 爽口彈牙, 非常之好味, 一飲難忘! Main course - Iberico Pork Ra
Lab Eat 雖然唔近地鐵站, 但勝在夠格調, 燈光好柔和, 就好似食緊candle night dinner咁, 感覺好romantic, 適合兩公婆拍下拖仔, 享受二人世界! 而且聖誕節, 多左好多聖誕佈置, 好有節日氣氛啊, 真係sweet sweet 既呢！
望住份MENU 真係花多眼亂, 貼心既店員推介左幾款食物俾我地, 之後老公發板, 揀好食物後, 店員先黎杯餐前酒 + 餐前麵包.
餐前麵包 - 意式軟包微暖鬆軟, 配上橄欖油同黑醋, 係standard Italian taste!
餐前麵包
26 瀏覽
0 讚好
0 留言
餐前酒 - Gls Volare Rose
黎到咁有情調既餐廳慶祝, 又點可以少左酒呢, 店員介紹左呢支Gls Volare Rose俾我地, 支氣泡酒甜甜地好易入口~
Gls Volare Rose
25 瀏覽
0 讚好
0 留言
Lobster Bisque(龍蝦湯)
嘩~ 龍蝦湯真係不得之了, 龍蝦味非常非常之濃郁, 廚師將個湯打到非常幼滑, 仲有啖啖龍蝦肉, 爽口彈牙, 非常之好味, 一飲難忘!
Lobster Bisque
31 瀏覽
0 讚好
0 留言
Main course - Iberico Pork Rack (炭燒西班牙黑毛豬配蜜糖芥未汁) (店員推介)
不愧係主打菜色, 呢個西班牙黑毛豬一上枱已經好香, 肉質夠晒juice又嫩. 而且好特別, 初先望落去仲以為係羊架, 因為見到連骨, 但估唔到黑毛豬都有Pork Rack! 店員話黑毛豬要食八成, 唔似普通豬扒食全熟, 八成就剛好外脆內軟, 入面有鮮嫩既粉紅色, 但又唔似食牛扒咁有血水流出! 口感真係好正, 確實係外脆內軟, 口感無得彈, 而且黑毛豬特別有咬口, 唔似普通豬扒咁, 真係好好味! 配埋個蜜糖芥未汁黎食, 肉味更加鮮同開胃!! 另外個配菜都好特別, 一般餐廳都會配薯蓉, 但今次好特別, 係配紫薯蓉, 甜甜地咁, 幾有新意!
Iberico Pork Rack
29 瀏覽
0 讚好
0 留言
Daily Homemade Dessert
甜品當然係唔少得啦, 呢個甜品賣相已經好靚, 蛋糕有非常之香濃既朱古力味, 岩晒我, 而且口感軟滑, 讚! 見到隔離枱有人周年紀念, 佢老公好有心思同餐廳order 定在甜品上寫字, 見到都好感動. 下次生日我都要黎呢間餐廳慶祝先得, 哈哈哈!!
Daily Homemade Dessert
22 瀏覽
0 讚好
0 留言
張貼
