影片
更多
2021-11-27
326 瀏覽
約左舊同事係銅鑼灣食野，路過L Point門口，聽到派傳單姐姐好熱情咁話樓上有一間新開的泰國菜好好食，加上試業期間有折，決定試下新野。餐廳的裝潢好有格調，燈光柔和。綠色的餐具整齊的放好，給我很舒服、很乾淨的感覺。先來一碟泰式豬肉碎生菜包試下水準。生菜好新鮮，睇到係洗過，乾淨的，可放心食用。而肉碎酸酸甜甜，好開胃。蒜蓉炒芥蘭份量好多，較爽口，最欣賞係碟菜唔會油膩，亦唔會太鹹。招牌泰式青芒魚真係好特色，一上到檯係忍唔住嘩左一聲，好 大 碟！賣相好靚，條魚有頭有尾，中間除左有炸魚塊，仲有青芒果絲、腰果、花生。青芒果絲唔係講笑，真係好夠酸，腰果好香口，係停唔到口！呢碟都係功夫野，要好有心機先砌到咁靚。炸魚塊切到好薄，係好考功夫，加埋酸酸地既汁，好開胃。個人覺得呢碟一定要食！甜品叫左芒果糯米飯，芒果好甜，如果再多啲啲椰汁就正喇經理好窩心推薦我飲熱香茅薑蜜，因為女生飲熱飲比較好，真夠細心。同事飲左椰青，連椰肉都可以食埋😂上到來先知呢間餐廳係新開，仲係試業中，原來廚師都係泰國人，最後老闆老闆娘仲親自問我地啲野食好唔好食，有無需要改善的地方，睇得出好用心想做好啲食物，你地呢個態度值得我下次再來👍🏻
餐廳的裝潢好有格調，燈光柔和。
綠色的餐具整齊的放好，給我很舒服、很乾淨的感覺。
先來一碟泰式豬肉碎生菜包試下水準。生菜好新鮮，睇到係洗過，乾淨的，可放心食用。而肉碎酸酸甜甜，好開胃。
蒜蓉炒芥蘭份量好多，較爽口，最欣賞係碟菜唔會油膩，亦唔會太鹹。
招牌泰式青芒魚真係好特色，一上到檯係忍唔住嘩左一聲，好 大 碟！賣相好靚，條魚有頭有尾，中間除左有炸魚塊，仲有青芒果絲、腰果、花生。青芒果絲唔係講笑，真係好夠酸，腰果好香口，係停唔到口！呢碟都係功夫野，要好有心機先砌到咁靚。
炸魚塊切到好薄，係好考功夫，加埋酸酸地既汁，好開胃。個人覺得呢碟一定要食！
甜品叫左芒果糯米飯，芒果好甜，如果再多啲啲椰汁就正喇
經理好窩心推薦我飲熱香茅薑蜜，因為女生飲熱飲比較好，真夠細心。
同事飲左椰青，連椰肉都可以食埋😂
上到來先知呢間餐廳係新開，仲係試業中，原來廚師都係泰國人，最後老闆老闆娘仲親自問我地啲野食好唔好食，有無需要改善的地方，睇得出好用心想做好啲食物，你地呢個態度值得我下次再來👍🏻
張貼
