基地貳 (已結業)

餐廳分上下兩層，下層係酒吧為主，上層食泰菜既特色餐廳。呢度環境好靚！有一個特大無邊際環形屏幕，會有星球、太空既夢幻投影，令人覺得好放鬆。煙燻三文魚刺身，搭配泰式酸辣醬汁，再加上辣椒同蒜頭，非常開胃！軟殼蟹柚子沙律，軟殼蟹香脆，柚子酸酸甜甜，好好味～飛天炒麵，用筷子夾起炒麵，再淋上醬汁。炸過既幼面香脆可口，配搭海鮮，有蝦和魷魚，蝦夠大隻鮮甜，加上清新既草菇，份量都好充足。甜品揀咗芒果班蘭糯米飯，班蘭同椰汁既香氣，糯米飯暖暖地，口感綿密，再加上酸甜芒果果肉，中和糯米飯既甜膩。飲品方面，點咗兩杯，一杯mango smoothie，清甜芒果味道。另一杯base brother就係酸酸的檸檬汁、配白蘭地加上姜啤，口感清爽帶少少苦澀。