影片
更多
2024-07-23
4627 瀏覽
14/7/2024📍Pano今日係特別日子❤️所以去咗食fine dining 🙆♀️仲想要海景 🤦♂️揾咗一輪 最後決定試呢間係西九文化區嘅法國菜但當日天公不作美 竟然落大兩我哋嘅海景變咗雨景 但呢個都係另一種浪漫嚟☺️我哋早兩日係餐廳網站book位 比咗$200 deposit 晚餐最早可以book 6點 建議大家早啲嚟可以睇埋日落入面環境非常舒適 當日得兩枱客 所以好安靜晚餐只有兩樣野可以揀：tasting menu or vegan tasting menu 咁我哋就揀咗前者啦 我哋就跟返上菜嘅次序share下食咗啲咩啦😆⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ✨Signature cocktail ($118)另外嗌咗兩杯cocktail 一杯Grapefruit 一杯Lychee 2杯都調得好好飲 酒味唔會太重啱曬唔係中意飲酒嘅🙆♀️ Grapefruit 上面仲有一片燒過嘅柚子飲嘅時候會聞到好香嘅果香✨Amuse bouche有三樣野 每樣都細細件 好精緻第一樣係小小嘅薯圈 入面有Parma ham 配清甜露荀蓉 幾好食☺️第二樣係甘荀撻入面有煙三文魚粒 青瓜粒 酸忌廉 三文魚
📍Pano
今日係特別日子❤️所以去咗食fine dining
🙆♀️仲想要海景 🤦♂️揾咗一輪
最後決定試呢間係西九文化區嘅法國菜
但當日天公不作美 竟然落大兩
我哋嘅海景變咗雨景 但呢個都係另一種浪漫嚟☺️
我哋早兩日係餐廳網站book位 比咗$200 deposit
晚餐最早可以book 6點 建議大家早啲嚟可以睇埋日落
入面環境非常舒適 當日得兩枱客 所以好安靜
晚餐只有兩樣野可以揀：tasting menu or vegan tasting menu 咁我哋就揀咗前者啦
我哋就跟返上菜嘅次序share下食咗啲咩啦😆
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨Signature cocktail ($118)
另外嗌咗兩杯cocktail 一杯Grapefruit 一杯Lychee
2杯都調得好好飲 酒味唔會太重
啱曬唔係中意飲酒嘅🙆♀️
Grapefruit 上面仲有一片燒過嘅柚子
飲嘅時候會聞到好香嘅果香
✨Amuse bouche
有三樣野 每樣都細細件 好精緻
第一樣係小小嘅薯圈 入面有Parma ham 配清甜露荀蓉 幾好食☺️
第二樣係甘荀撻入面有煙三文魚粒 青瓜粒 酸忌廉 三文魚子
第三樣係自家製墨汁脆片上面有呑拿魚 檸檬烏魚子 牛油果
2個都係酸酸地 口感又豐富 開胃一流😋
✨Spanish red prawn carpaccio
最底鋪咗一層西班牙紅蝦刺身薄切🦐蝦味好重 充滿膠質
上面嘅北海道海膽好鮮甜 配埋青檸忌廉同牛油果醬 十分清爽
✨Bread basket
全部麵包都烘到暖暖哋 仲可以refill添
牛角包層次分明🥐好香牛油味
cheese stick脆脆哋 芝士味都好濃
有兩款牛油 一款係自家製嘅蜜糖牛油 另一款就係普通鹹牛油 用嚟搽法包好好食🥖
✨Young ginger crab bisque
松葉蟹肉份量好多👍🏻 每啖都可以食到蟹肉
子薑湯嘅薑味唔會重 同海鮮味都夾 個湯都幾好碗 食到呢度都開始飽飽哋😂
✨Apple wood smoked foie gras royale
呢個超好食😋鵝肝帶微微煙燻味 口感好細膩
同燉蛋嘅口感好爽 加埋新鮮黑松露嘅香氣 同埋砵酒汁泡沫 層次非常豐富
✨Pan-seared Hokkaido scallop
北海道帶子厚實飽滿又大粒 表面煎到微微金黃色 中問保持嫩滑
上面嘅魚子醬唔夠香 冇乜存在感
檸檬牛油白酒汁好香 同帶子嘅鮮味好夾❤️
側邊嘅海帶就冇咩特別
✨Stir fried spicy spaghetti with fish maw & dried scallop
意粉係四川麻辣味 但只係微微辣 味道有啲似食麻辣串燒
意粉偏幻身 不過都好有咬口
花膠煮得好腍 加埋乾瑤柱 配搭好新鮮
本身仲以為呢個會中伏 結果食落又幾好味
✨Storm clam orzo pasta
我哋都係第一次食米形粉 原來口感咁特別 好滑身 好似節瓜嘅籽咁🤣
北寄貝幾有咬口同鮮味
意粉嘅base係海鮮汁 調味啱啱好
✨Handcraft seasonal fruit sorbet
係食main之前 先食個雪芭refresh下先
芒果雪芭 椰子乳酪 椰子脆脆 三種口感
酸酸甜甜 唔錯👍🏻
佢個碗幾特別 碗蓋寫住「萬壽無疆」😂
✨Slow cooked black cod
煎鱈魚好嫩滑 中間包住龍蝦肉 側邊有薯蓉同蘑菇 配上龍蝦汁都好好食😋
✨Charcoal grilled Miyazaki wagyu beef tenderloin (+ $138)
上菜果時侍應會拎埋個炭火燒嘅盒出嚟 開入面件和牛比我哋睇 夠晒浮誇😂成間餐廳都會充滿住炭火味
食果陣都分唔清係個牛定係空氣有炭火味
我地係叫medium rare
牛肉嘅切面真係好靚 好均勻粉鮮紅色
只有薄薄外層係上左色 盡顯功架👍🏻
牛肉好嫩滑 好易咬開
✨Dried bean curd mille feuille
呢個就好得意 好似分子料理糖水🤣
中間係自家製豆腐雪糕 側邊係腐竹薏米味嘅cream 同埋插住兩片腐竹脆片
加埋經液態氮冷凍嘅豆腐粒粒 同最頂果粒烤白果 真係好有創意👍🏻
Ending係兩粒朱古力 佛手柑啫喱 同麻辣腰果
ps. 餐廳知道我地係特別日子 送左件拿破崙蛋糕俾我地🥰雖然得兩層 但都幾好食
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最後埋單～$2800 （連加一）
整體野食質素好高 service都幾好 相信如果天氣好嘅話 個景會更加靚
呢間餐廳真係好適合特別節日嚟 一定會有難忘嘅體驗☺️
推薦指數🌟：5/5
張貼
