影片
更多
2015-02-25
3233 瀏覽
本小妹生日雖然過左幾日，但細心既男朋友一早諗左去邊食生日飯。個人覺得與其用錢買名牌做禮物，我寧可去一個舒適既地方食餐好。我真心多謝男朋友搵左呢間甘有情調既餐廳。話說當日相約銅鑼灣地鐵站等，然後搭地鐵去筲箕灣轉乘9號小巴入石澳。但當我地到達筲箕灣個陣，個天已經落住雨，我地心諗去定吾去好。但男朋友堅持佢吾介意落雨，而我又真係想試下間餐廳(更何況大家都諗吾到去邊好)，所以照去。間餐廳都吾升易搵，因為村口落車後，要行入小巷，見到個小公園，又要轉入暗巷。我地係落大雨既情況下，兜左幾個圈，好彩有個外國住客指點迷津。一行到門口，只見一對情侶或夫婦坐近窗邊飲緊紅酒。我諗佢地應該係住係附近，得閒飲幾杯，真係羨慕。講返轉頭，門口擺左隻木黑羊，見到生招牌吾會去錯地方。職員係一個後生女，笑容好甜，服務態度好好。佢幫我地將把遮擺係休息室度，仲叫我地自己揀位坐。我見到餐廳角位有一個大魚缸，男朋友應該鍾意坐近個度，所以二話不就坐底係個度。餐廳菜式都算多，我地睇菜名就覺得好好食甘。我地叫左個意海鮮意粉同羊架。個女侍應先拎左D包同蒜頭醬(我諗係甘叫掛...)。麵包外脆內軟，有好香既麥味，好好食。我地亦好鐘意個蒜頭醬，因
個人覺得與其用錢買名牌做禮物，我寧可去一個舒適既地方食餐好。我真心多謝男朋友搵左呢間甘有情調既餐廳。
話說當日相約銅鑼灣地鐵站等，然後搭地鐵去筲箕灣轉乘9號小巴入石澳。但當我地到達筲箕灣個陣，個天已經落住雨，我地心諗去定吾去好。但男朋友堅持佢吾介意落雨，而我又真係想試下間餐廳(更何況大家都諗吾到去邊好)，所以照去。
間餐廳都吾升易搵，因為村口落車後，要行入小巷，見到個小公園，又要轉入暗巷。我地係落大雨既情況下，兜左幾個圈，好彩有個外國住客指點迷津。
一行到門口，只見一對情侶或夫婦坐近窗邊飲緊紅酒。我諗佢地應該係住係附近，得閒飲幾杯，真係羨慕。講返轉頭，門口擺左隻木黑羊，見到生招牌吾會去錯地方。
職員係一個後生女，笑容好甜，服務態度好好。佢幫我地將把遮擺係休息室度，仲叫我地自己揀位坐。我見到餐廳角位有一個大魚缸，男朋友應該鍾意坐近個度，所以二話不就坐底係個度。
餐廳菜式都算多，我地睇菜名就覺得好好食甘。我地叫左個意海鮮意粉同羊架。個女侍應先拎左D包同蒜頭醬(我諗係甘叫掛...)。麵包外脆內軟，有好香既麥味，好好食。我地亦好鐘意個蒜頭醬，因為食落好香，配麵包食仲好夾，所以我地詢問佢點整。其實個醬好簡單，將個蒜頭切半，用橄欖油擦勻個蒜頭，然後拎去焗就得。對吾太識煮嘢食既我黎講，講就易，做都係算。麵包同蒜頭醬都可以任加，另外佢有一碟自製既辣椒橄欖油俾我們配麵包，但我地覺怪怪地，吾太夾，所以REFILL左一次麵包同蒜頭醬就夠喇。
羊架先上，五成熟，岩岩好，切開仲見到粉嫩既色澤，見到都開胃。加上羊架脂肪比例少，但足夠帶起羊架淡淡既羶香味。海鮮意粉係用牛油紙包住，熱度夠。裏面既海鮮一D都吾孤寒，好足料。，意粉硬度岩岩好，吾會太淋，而且好入味。我地另叫左兩杯青檸梳打，有D二酸甜，青檸味道清新，好岩消滯。
之我地食到一半，陸續有人客入黎，雖然吾叫滿場，但見到大家個樣對D食物都好滿意。呢度既音樂好輕柔，有時播JAZZ，有時係POP song，都好岩年輕情侶黎食。
張貼
