影片
更多
2018-03-31
83 瀏覽
放工想鬆一鬆，去d靜靜地有海景既餐廳同老婆浪漫一下，西灣河碼頭原來係一個唔錯既選擇，個度朋友去過一間名叫既「埠」既日本居酒屋，餐廳正正坐落於碼頭，有無敵海景，環境唔錯，啱曬慢慢享受下美食，傾下計放鬆一下。餐廳唔算大，但坐位亦好闊落，日式既佈置，氣氛感覺好好，如果坐喺窗邊嘅位置就更加一流，餐廳主打係日式串燒，食物選擇多，串燒係即燒，上枱時會用熱石爐保溫，免得食物放涼，十分體貼。牛舌 $45牛舌爽口，充滿油份，口感非常好，一串有兩大塊，食完即刻再encore，必食之選。豚大腸$27男人的浪漫除左支竹火腩之外就應該係豚大腸，豚大腸除去大部份肥膏，完全唔肥，好香口，送酒仲更加一流。赤雞皮$25雞皮完全唔肥，燒得香脆，有d似台灣夜市既炸雞皮，好食。赤雞腿肉$27雞腿肉嫩滑，味道夠香，但個人比較喜歡燒雞皮。大葱豚面頰 $27蔥同豚肉相間排列，豚肉有油脂而不太肥，大葱唔會好重味，我平時唔太喜歡大葱都覺得好味。雞軟骨 $18十分爽口，調味做得好好，而且燒得好香口日本豚五花 $32豚五花真係超級好味，肉質彈牙，肉同脂肪比例剛剛，但完全不覺油膩，每人一串食完都想再食。墨魚腸 $32一小段一小段嘅墨魚腸，充
餐廳唔算大，但坐位亦好闊落，日式既佈置，氣氛感覺好好，如果坐喺窗邊嘅位置就更加一流，餐廳主打係日式串燒，食物選擇多，串燒係即燒，上枱時會用熱石爐保溫，免得食物放涼，十分體貼。
牛舌 $45
牛舌爽口，充滿油份，口感非常好，一串有兩大塊，食完即刻再encore，必食之選。
豚大腸$27
男人的浪漫除左支竹火腩之外就應該係豚大腸，豚大腸除去大部份肥膏，完全唔肥，好香口，送酒仲更加一流。
赤雞皮$25
雞皮完全唔肥，燒得香脆，有d似台灣夜市既炸雞皮，好食。
赤雞腿肉$27
雞腿肉嫩滑，味道夠香，但個人比較喜歡燒雞皮。
大葱豚面頰 $27
蔥同豚肉相間排列，豚肉有油脂而不太肥，大葱唔會好重味，我平時唔太喜歡大葱都覺得好味。
雞軟骨 $18
十分爽口，調味做得好好，而且燒得好香口
日本豚五花 $32
豚五花真係超級好味，肉質彈牙，肉同脂肪比例剛剛，但完全不覺油膩，每人一串食完都想再食。
墨魚腸 $32
一小段一小段嘅墨魚腸，充滿墨魚汁香味，亦有墨魚肉喺裏面，味道好好。
絹豆腐 $32
用離燒既豆腐質地比較實，師傅技巧一流，可以燒到外脆內軟，加埋燒汁塗嚮面，絕對要一試。
月見紫蘇免治雞棒$47
自家製免治雞棒，配合蛋王豉油，必試之食品。
鍋燒烏冬 $48
鍋燒烏冬連個爐一齊上，份量唔算多，烏冬口感十分細滑，湯底味道好，加上一大片腐皮，值得推介，食完一個唔夠喉，我地再encore。
蕨餅 $39甜品選擇唔算多，只有兩款，我哋揀咗蕨餅，雖然份量唔多，食完串燒再食個甜品先夠完美，四塊蕨餅加上豆粉，甜度適中，好味。
餐廳雖然唔大，坐位唔多，但敢樣先可以令每一款食物廚師都能用心製作，而且餐廳環境非常好，適合靜靜地傾吓計，慢慢食，談談情，真係一個同另一半離品賞美食既餐廳。
張貼
