影片
更多
2023-08-22
428 瀏覽
Happy Friday收早同老公二人世界, 去左IFC睇海景食中菜, 一去到餐廳店員就帶我地去左窗口位二人座, 飽覽維港夜景好浪漫店員介紹有套餐或散叫餸菜, 我地唔想諗所以簡單直接就揀左套餐, 套餐分別有前菜、頭盤、燉湯、主菜、飯菜同甜品落完單就送上前菜小碟, 有味噌蒜頭漬、紅酒蕎頭漬同琥珀合桃等左陣前菜就送到黎啦, 第一道係法式XO醬蒜茸牛角包, 未食已經聞到好香XO醬既味道, 牛角包口感好酥脆, 非常有層次, 食落好香濃牛油味, 配搭面層既XO醬蒜茸更增加整體香味, 咸香味突出同出奇地夾之後就到頭盤, 時令白露筍清酒伴聖子頂層既三文魚籽好鮮甜, 白露筍爽脆可口, 食嗰時有陣陣清酒既香味跟住就到金沙日本南瓜, 南瓜外層沾滿金沙咸旦黃, 咸旦香味好出眾, 南瓜食落帶少許絲之餘仲有甜味, 好味!燉湯係松茸螺頭燉海參, 松茸味道香氣四溢, 聞落好濃郁但飲落好清香, 海參炆得好冧, 食落好仲有彈牙口感飲完個就到主菜, 香酥花膠伴香檳魚子醬個花膠用左炸粉漿炸過, 外層好酥脆, 花膠保持彈牙口感另一道係麒麟星斑球, 星斑底層放左荷葉一齊蒸, 中間夾住左蜜汁金華火腿同冬菇片, 星斑食落幾嫩滑,
店員介紹有套餐或散叫餸菜, 我地唔想諗所以簡單直接就揀左套餐, 套餐分別有前菜、頭盤、燉湯、主菜、飯菜同甜品
落完單就送上前菜小碟, 有味噌蒜頭漬、紅酒蕎頭漬同琥珀合桃
等左陣前菜就送到黎啦, 第一道係法式XO醬蒜茸牛角包, 未食已經聞到好香XO醬既味道, 牛角包口感好酥脆, 非常有層次, 食落好香濃牛油味, 配搭面層既XO醬蒜茸更增加整體香味, 咸香味突出同出奇地夾
之後就到頭盤, 時令白露筍清酒伴聖子頂層既三文魚籽好鮮甜, 白露筍爽脆可口, 食嗰時有陣陣清酒既香味
跟住就到金沙日本南瓜, 南瓜外層沾滿金沙咸旦黃, 咸旦香味好出眾, 南瓜食落帶少許絲之餘仲有甜味, 好味!
燉湯係松茸螺頭燉海參, 松茸味道香氣四溢, 聞落好濃郁但飲落好清香, 海參炆得好冧, 食落好仲有彈牙口感
飲完個就到主菜, 香酥花膠伴香檳魚子醬個花膠用左炸粉漿炸過, 外層好酥脆, 花膠保持彈牙口感
另一道係麒麟星斑球, 星斑底層放左荷葉一齊蒸, 中間夾住左蜜汁金華火腿同冬菇片, 星斑食落幾嫩滑, 金華火腿同冬菇甜味好突出, 咀嚼嗰時有陣陣荷葉香滲出黎
之後就係壹零壹風沙乳鴿, 面頭係金不換同炸蒜粒, 未食已經聞到好香, 乳鴿炸得非常出色, 外皮食落好香脆, 估唔到炸完個肉質一啲都唔會乾, 食嗰時依然肉質嫩滑, 油香味十足, 同平時食到既炸乳鴿一啲都唔同, 依個真係好好食!
食完個主菜, 已經有7成飽了, 努力食埋個飯菜, 店員送上雲腿上湯浸菜遠, 上湯菜芯食落好甜, 食得出好新鮮, 夾住金華火腿一齊食好正!
未食都已經聞到好香既砂窩豬肉渣香蔥飯, 豬肉渣粒粒都好酥脆, 配埋個砂窩香蔥飯食得出有穫氣, 夠哂惹味, 口感層次提升!
最後甜品轉左檸檬奶凍, 面頭撒滿脆片同開心果碎, 入口好Creamy, 帶酸酸味道, 解左膩同增加左脆脆口感層次, 我幾鍾意呢!
張貼
