A La Umai (已結業)

今晚係一個特別日子係我同男朋友既紀念日男朋友話帶我去食個浪漫晚餐唔係去酒店食係天后一間樓上小餐廳但感覺更加warm仲有海景睇添環境幽暗又靜 服務又夠好 fine dining水準今晚真夠浪漫黑毛豬風乾火腿味道好醇厚哈蜜瓜好juicy perfect match呀另一個前菜係海膽嘩 份量好多呢夠甜夠新鮮同街邊的平價海膽無得比食得好滿足龍蝦湯上桌前用忌廉畫花好有心思呀龍蝦味超鮮香濃一啖接一啖飲唔停係一個好有心機好足料既湯呢個超嫩羊架無得頂係我食過最好味既羊我鍾意佢有少少羶味 咁先似羊但又好易入口職員建議五成熟 又唔會太生喎肉粉紅色唔見血的半生熟先最嫩滑呢 入口即溶油脂豐盛 夾埋薄荷醬又一個perfect碟上仲有芥末籽忌廉汁呢個汁亦都調較得好好食完有點意猶未盡 好回味豐富的一頓晚餐一定要以甜品作結尾通常食套餐送既甜品都係普通無期待之下呢個好有驚喜話係日式蛋糕又真係好有日本食到既味道蛋糕好鬆軟唔太甜 有粟子蓉呢間餐廳男朋友揀得好好今晚食得好開心令我地感情又增溫