MONMONO (已結業)

星期四同男朋友嚟咗呢一間中環Monmono❤️而家星期四開支裝酒仲八折，即刻開返支酒氣氛都好好多✨好鍾意呢一間餐廳嘅環境，成間餐廳都係以黃色做底色，係我最鍾意嘅顏色💛Pink Shrimp Carpaccio✨呢個刺身真係好新鮮，赤蝦刺身好鮮甜，柑橘檸檬嘅清新味道同蝦嘅味道超夾！超鍾意佢加咗啲脆櫻花蝦，而蕃茄莎莎同蕃茄啫喱酸酸甜甜都幾開胃。Deluxe Seafood Paella ✨呢個西班牙龍蝦飯好豐富，大大隻龍蝦尾好多肉，西班牙辣肉腸辣辣地都好惹味，蒜頭蛋黃醬味道超濃郁！Pork Ribs✨慢煮伊比利亞豬肋骨超級入味，好鍾意佢嘅肉質好鬆軟！味道層次都好豐富，佢加左煙燻紅椒粉,蜜糖,芫荽蛋黃醬。