影片
更多
2019-12-29
3509 瀏覽
有一放工男朋友約咗我食飯，帶咗我去IFC樓上嘅一間餐廳食嘢，佢話我聽嗰度嘅風景好靚同埋餐廳嘅嘢食都好精緻難得happy friday就食個fine dining 餐廳嘅環境相當唔錯，而且氣氛好好燈光暗暗地，而且環境比較靜好適合傾計飲酒，睇完餐牌之後發現價錢其實都唔算太貴配埋呢個景真係值回票價叫完嘢食之後餐廳就會想麵包，配埋醋嘅麵包都幾好味首先我哋就叫咗生蠔做頭盤，分咗幾種唔同等級嘅生蠔，我哋就叫咗其中兩款，第一款嘅生蠔比較細隻海水味較重，令一隻生蠔比較肥美而且食落去好新鮮同埋creamy，鍾意食生蠔嘅朋友都可以試吓喺度食，如果配埋酒就會更加perfect 然後我哋仲叫咗白酒煮青口，青口嘅味道好新鮮食落去好甜配埋特製嘅醬汁都幾好食，不過餐廳清洗青口嘅過程可以更加乾淨，因為食落嘅時候都有少少沙主菜方面就叫咗一個野菌意大利飯，呢個意大利飯非常突出野菌味，非常之香濃食落去嘅米好有口感而且菌味非常突出，如果鍾意食意大利飯嘅朋友應該要試吓最後嘅主菜就叫咗一個蘋果配炸黑毛豬，呢個配搭做得非常之好雖然份量唔大但係味道條配得好好而且肉質鮮嫩非常之回味餐廳嘅環境配埋維港嘅景色真係非常之出色，如果下一次再嚟
餐廳嘅環境相當唔錯，而且氣氛好好燈光暗暗地，而且環境比較靜好適合傾計飲酒，睇完餐牌之後發現價錢其實都唔算太貴配埋呢個景真係值回票價
叫完嘢食之後餐廳就會想麵包，配埋醋嘅麵包都幾好味
首先我哋就叫咗生蠔做頭盤，分咗幾種唔同等級嘅生蠔，我哋就叫咗其中兩款，第一款嘅生蠔比較細隻海水味較重，令一隻生蠔比較肥美而且食落去好新鮮同埋creamy，鍾意食生蠔嘅朋友都可以試吓喺度食，如果配埋酒就會更加perfect
然後我哋仲叫咗白酒煮青口，青口嘅味道好新鮮食落去好甜配埋特製嘅醬汁都幾好食，不過餐廳清洗青口嘅過程可以更加乾淨，因為食落嘅時候都有少少沙
主菜方面就叫咗一個野菌意大利飯，呢個意大利飯非常突出野菌味，非常之香濃食落去嘅米好有口感而且菌味非常突出，如果鍾意食意大利飯嘅朋友應該要試吓
最後嘅主菜就叫咗一個蘋果配炸黑毛豬，呢個配搭做得非常之好雖然份量唔大但係味道條配得好好而且肉質鮮嫩非常之回味
餐廳嘅環境配埋維港嘅景色真係非常之出色，如果下一次再嚟嘅話一定要再揀海景位
張貼
