影片
更多
2017-11-06
630 瀏覽
萬聖節同男友想食二人燭光晚餐，記得之前經過媽媽屋企樓下有間西餐廳環境望落唔錯，所以今次特登黎一試，順便探望下媽媽🐷。餐廳入面既氣氛不錯，浪漫的燈光下，感覺帶著一點點神秘，二人世界真係一流的。店員好好會過黎詳細解釋menu比我地聽 ，最後我地點選左2人餐 deluxe set,有2個starter, 2個餐湯，1main (加$100升做New York Strip），之後仲有1個side dish ,仲可以加$100食特大心太軟。好豐富既二人晚餐😝首先免運送上麵包籃，未切開已經知係香蒜法包，因為蒜香味一黎到已經聞到😍一大開，香蒜湧出，熱辣辣，烤得外表鬆脆，包心綿密，充滿牛油蒜香味。再黎就係2個頭盤Caesar Salad 同 home made crabcake。沙律菜好爽脆同新鮮， 加上香脆煙肉，同淡淡清香既沙律醬， 非常開胃而蟹餅做得非常出色，外表金黃色，厚身得黎係好鬆軟，啖啖蟹肉，勁足料，蟹肉同三色椒，黑椒混和，提升左蟹肉既鮮甜味，滋味無窮。男友話龍蝦湯鮮味濃郁，勁多龍蝦肉真材實料，好味。而我就飲蘑菇湯，每一啖都飲到豐富質感，菌味道非常香濃，混合忌廉一齊煮，質感濃厚，但又唔會過杰
餐廳入面既氣氛不錯，浪漫的燈光下，感覺帶著一點點神秘，二人世界真係一流的。
店員好好會過黎詳細解釋menu比我地聽 ，最後我地點選左2人餐 deluxe set,有2個starter, 2個餐湯，1main (加$100升做New York Strip），之後仲有1個side dish ,仲可以加$100食特大心太軟。好豐富既二人晚餐😝
首先免運送上麵包籃，未切開已經知係香蒜法包，因為蒜香味一黎到已經聞到😍一大開，香蒜湧出，熱辣辣，烤得外表鬆脆，包心綿密，充滿牛油蒜香味。
再黎就係2個頭盤
Caesar Salad 同 home made crabcake。
沙律菜好爽脆同新鮮， 加上香脆煙肉，同淡淡清香既沙律醬， 非常開胃
而蟹餅做得非常出色，外表金黃色，厚身得黎係好鬆軟，啖啖蟹肉，勁足料，蟹肉同三色椒，黑椒混和，提升左蟹肉既鮮甜味，滋味無窮。
男友話龍蝦湯鮮味濃郁，勁多龍蝦肉真材實料，好味。
而我就飲蘑菇湯，每一啖都飲到豐富質感，菌味道非常香濃，混合忌廉一齊煮，質感濃厚，但又唔會過杰，正！
主菜登場啦- 紐約客牛排
利用炭燒慢烤既方法烹煮，每一口都感受到薄薄既炭味，厚身牛扒，一望就知夠哂磅數。
點左5成熟，肉質嫩中帶腴，香甜多汁，嚼起來滿口肉感，微薄既鹽味作吊味作用。
Side dish- 洋蔥圈，外皮原來係用啤酒炸成，好厚身，炸得好鬆脆，干身不油膩。厚實帶洋蔥甜美既口感，唔好炸物既我都愛上。
最後當然要食埋甜品作結，呢個特大心太軟絕無欺場，一切開朱古力漿即溢出，味道又唔會太甜，加埋自家製既雪糕 ，一冷一熱，非常滿足。
張貼
