Iberians (已結業)

好耐無過黎呢間氣氛浪漫嘅餐廳，呢度有我最愛嘅西班牙菜，之前無食過嘅菜式今次都叫黎試下，幾有新鮮感～加利西亞章魚係一道好出名嘅西班牙菜式，今次第一次食。新鮮章魚同埋薯仔、洋蔥、紅椒等一齊烤，章魚嘅肉質鮮嫩，配搭嘅食材令佢更加豐富，風味獨特～要個Smoked Salmon Caesar salad清新一下口腔，再飲好耐無飲過嘅紅甜椒忌廉湯一流呀～呢個湯係西班牙傳統湯品中嘅經典之選。用紅甜椒、洋蔥、大蒜同埋忌廉煮，仲另外仲有香草等等，味道濃郁，口感滑嫩，配埋勁蒜法包好滋味～西班牙菜當然唔少得燉飯啦！雞肉燉飯裡面有雞肉、洋蔥、蕃茄、紅黃椒等配料，燉煮後嘅米飯吸收咗湯汁同埋香味，口感香濃，超級好食！黎呢度飲平時飲開嘅Virgin Mojito同Virgin Colada，水準高，一杯用薄荷、青檸、糖漿、蘇打水調製，味道清新怡人。另一杯係用椰漿、菠蘿汁、糖漿等調製，帶有淡淡嘅椰香味道，兩種口味大不同，各有特色～。