Poseidon Restaurant & Bar (已結業)

趁今日放假，同另一半出去尖沙咀食飯，朋友介紹我去咗一間好浪漫嘅西餐廳，環境氣氛都好好，好值得推介一下。Poseidon Restaurant & Bar. 餐廳位於尖沙咀亞士厘道嘅樓上舖頭，座位空間感非常足夠，喺度無論飲酒定係食飯感覺到好舒適。龍蝦扁意粉，配香草龍蝦汁。大大隻龍蝦喺意粉上面，相當吸引，一疏疏嘅龍蝦肉入口味道鮮甜,肉質爽口彈牙。最鍾意就係龍蝦肉上面嘅香料調味，帶出龍蝦嘅鮮味。下面嘅意粉配埋香草，龍蝦汁，龍蝦嘅鮮味，整體配搭埋一齊，口感同味道都非常有層次。德國豬手配薯蓉，芥末。豬手皮烤到焦香酥脆，食落去卜卜聲，入邊嘅豬肉非常嫩腍，進食時蘸芥未醬，可以食到豬手有少少鹹香同醬汁嘅香味，兩者混為一體增添味道層次。旁邊嘅薯蓉可以減低豬手嘅油膩感，令到你特別開胃，豬手都食多幾啖。虎蝦海鮮意大利飯，虎蝦煎到好香，肉質鮮嫩彈牙，配上意大利飯味道好夾，意大利粉亦都煮到啱啱好，唔會過硬或太林。煙煙韌韌口感一流。