影片
更多
2019-06-13
52 瀏覽
今晚係我同男友的週年紀念日，同佢浪漫一下，預訂左依間fine dining既西餐廳，以前同朋友食過一次覺得唔錯，所以今次同男友黎食晚餐慶祝我地既紀念日餐廳既主題係圍繞夢，所以餐廳既擺設都係關於夢既物件，例如羽毛、羽毛水晶球等等而餐牌分為四、六同八個course，我地選擇左叫 6 Shades of Flavour，而當中有兩道係surprise dish，即是餐廳以時令食材製成既驚喜菜式先送上法式前菜小食，來自北海道馬糞海膽伴左青瓜粒同蕃茄粒，海膽非常鮮甜，整體味道清新開胃之後就到餐包，用左一個小麻布袋裝住牛角包牛角包溫度依然係暖，食落非常香脆酥軟，好香濃既牛油味配埋天然石上既牛油一齊食更加滋味，另外不得不提天然石頭可令牛油一直保持唔會溶既狀態，非常有心思既器皿每款菜式店員都會清楚講解係用左咩食材同煮法，好快就黎左第一道菜Pan Seared Hokkaido Scallop用左北海道珍寶帶子配左青豆蓉同忌廉汁，帶子輕煎至七成熟，頂層配左三文魚籽，店員建議先食帶子本身既味道，帶子輕煎左味道好香，厚肉鮮甜好軟熟，連埋三文魚籽令整體鮮味提升，配埋清新既青豆蓉有解膩效果而配菜係日本小鋼蟹，小
餐廳既主題係圍繞夢，所以餐廳既擺設都係關於夢既物件，例如羽毛、羽毛水晶球等等
而餐牌分為四、六同八個course，我地選擇左叫 6 Shades of Flavour，而當中有兩道係surprise dish，即是餐廳以時令食材製成既驚喜菜式先送上法式前菜小食，來自北海道馬糞海膽伴左青瓜粒同蕃茄粒，海膽非常鮮甜，整體味道清新開胃
之後就到餐包，用左一個小麻布袋裝住牛角包
牛角包溫度依然係暖，食落非常香脆酥軟，好香濃既牛油味
配埋天然石上既牛油一齊食更加滋味，另外不得不提天然石頭可令牛油一直保持唔會溶既狀態，非常有心思既器皿
每款菜式店員都會清楚講解係用左咩食材同煮法，好快就黎左第一道菜Pan Seared Hokkaido Scallop
用左北海道珍寶帶子配左青豆蓉同忌廉汁，帶子輕煎至七成熟，頂層配左三文魚籽，店員建議先食帶子本身既味道，帶子輕煎左味道好香，厚肉鮮甜好軟熟，連埋三文魚籽令整體鮮味提升，配埋清新既青豆蓉有解膩效果
而配菜係日本小鋼蟹，小蟹仔全隻風乾，食落脆卜卜，非常可口，好重蟹膏焦香味，旁邊有少少紫菜碎可以配食，而帶子底下就係開心果碎同竹炭都可以食架
我地選既6 Shades 其中有兩道Surprise Dish，先黎第一道，龍蝦殻蓋住主菜，店員打開殻後放到側邊
底層係蛋沙律，而中間個層夾住左蟹肉，頂層放左白桃肉同少許魚子醬，整體味道清新，點埋側邊既芒果醬汁同野莓醬汁一齊食帶點酸酸，估唔到味道幾夾，更加開胃
第三道菜係 Lobster Tail 慢煮波士頓龍蝦尾，龍蝦肉上面既係芥末籽醬，而泡沫就係用左分子料理技術打成既菠菜泡沫，係底層既係胡椒醬汁，龍蝦經慢煮後肉質嫩滑，可以見到龍蝦肉剔透色澤，食個時帶少許爽韌，龍蝦味道好出，配芥末醬汁同菠菜泡沫味道好鮮甜，我就比較點底下既胡椒醬汁，帶點微辣感，超滿分!
到第四道菜既第二道Surprise dish，係日本磯燒鮑魚，鮑魚用感真空慢煮，底層既石春淋上中國玫瑰露加多重味道層次
然後店員會將鮑魚放係日本昆布湯中，店員建議我地先飲湯，味道濃郁帶甘，當中配左白蘿蔔，非常入味軟熟，然後就到主角鮑魚，鮑魚鮮味十足，口感嫩滑，好入味，個下真係覺得自己返左日本咁，好正
我同男友都各叫左一份唔同既主菜，可以大家都食下唔同，其中一道係Japanese Cod Fish，餐廳用左日本鱈魚，輕煎左外皮，口感帶少許微脆，而魚肉大約七成熟左右，所以會有少少半生熟，魚質嫩滑，食落好重魚油香，而側邊係用紅洋蔥打成既醬汁，鱈魚底層係蕃茄他他，整體感覺清清地又開胃
另一道係Kagoshima鹿兒島A4和牛
點左medium，肉質色澤紅潤，焗完有少許生，但個人認為剛剛好，雖然牛味唔算好出，但食落好軟熟，肉質完全唔會覺得韌，旁邊既醬汁係用返A4和牛精華再加左黑松露，味道好香濃，而配菜係炸洋蔥炒豆苗同雞油菌，食完肉食返少少蔬菜清一清，唔錯呢
最後第六道就係今晚既甜品Coconut sweet，中間係椰子慕絲外層包左特濃朱古力，面頭撒左椰絲碎，旁邊有白朱古力，蛋白餅同甘荀蛋糕配乾橙皮，整體味道相當清新解膩，完全愛上啊
六個菜份量剛剛好，飲埋杯Earl grey 同餐廳自整既Mixed berry mousse cake同 house made cookies，超滿足啊!
張貼
