No.5 Italian (已結業)

許多有小朋友的父母很常會把大部分心思都放在小朋友身上，而忽略了夫婦之間如何維繫感情；浪漫？慢慢變得是奢侈的事了！好彩老公都識得安排一次浪漫得三人行晚餐！當然我事先唔知呢間餐廳食咩！老公訂了台帶我們去，等了五分鐘可以入去，安排了角落的位置，而且可以望到海景！店內係意大利式裝修，帶點兒relax, 燈光柔和舒適。由老公發版叫左巴拿馬火腿凱薩沙律、黑松露雜菌Pizza及海膽忌廉闊條面！好吸引！巴拿馬火腿凱薩沙律 - 這款沙律加了蛋！火腿好香，配上面包粒的爽脆及沙律的清淡，更突顯火腿的味道！黑松露雜菌Pizza - 批底好脆，配上黑松露、雜菌的香，口感十足！ 橄欖又帶點兒酸，中和了油膩感！大愛！海膽忌廉闊條面 - 聽聞呢個係該店的特色菜及必食，果然一試難忘！海膽好新鮮，香甜濃郁，將海膽混到忌廉闊條面上，味道更濃，因為配上忌廉的香滑，令海膽味更出！闊條面軟硬度剛好！每條面都均勻地有忌廉包圍！不愧係主打！滿足！