影片
更多
2023-05-28
321 瀏覽
替T先生慶生，當然要揀返食物/味道有質素的餐廳，同時餐廳環境亦要坐得舒適，思前想後了一陣子，結果揀了<E Molto Buono>，亦一早book定位😊😊餐廳只做fine dining, by reservation… 放工後帶T先生過來，佢都未估到是什麼餐廳😆😆 餐廳佈置都幾低調，環境暗暗的但帶有一點點浪漫燈光，浪漫氣氛一流。我地被安排坐在𥦬邊corner 位置，可以望到Time square。是日係星期一，全間餐廳得T先生和我，某程度黎講，我地好似’包’左場咁，可以靜靜地食☺️📍Angelina oyster ($88 - buy 1 get 1)Special offer, buy 1 get 1 free, 要試下嘛。來自法國🇫🇷，有淡淡的海水味，口感creamy，都飽滿呀。我地點了set dinner, $928/ pp, 有5個courses 。waiter 會等我地食完再逐一逐一上菜。📍自家製麵包醬配意大利香草包麵包醬：意大利內醬、茄子蓉醬、橄欖油黑醋麵包：脆片、香草包、黑芝麻包麵包烤到乾身但內裡軟熟，配上3款醬真係好好食。首推香草包配黑醋，而脆片配意大利肉
餐廳只做fine dining, by reservation… 放工後帶T先生過來，佢都未估到是什麼餐廳😆😆 餐廳佈置都幾低調，環境暗暗的但帶有一點點浪漫燈光，浪漫氣氛一流。我地被安排坐在𥦬邊corner 位置，可以望到Time square。
是日係星期一，全間餐廳得T先生和我，某程度黎講，我地好似’包’左場咁，可以靜靜地食☺️
📍Angelina oyster ($88 - buy 1 get 1)
Special offer, buy 1 get 1 free, 要試下嘛。來自法國🇫🇷，有淡淡的海水味，口感creamy，都飽滿呀。
生蠔
42 瀏覽
0 讚好
0 留言
我地點了set dinner, $928/ pp, 有5個courses 。waiter 會等我地食完再逐一逐一上菜。
📍自家製麵包醬配意大利香草包
麵包醬：意大利內醬、茄子蓉醬、橄欖油黑醋
麵包：脆片、香草包、黑芝麻包
麵包烤到乾身但內裡軟熟，配上3款醬真係好好食。首推香草包配黑醋，而脆片配意大利肉醬又好令人停唔到口。麵包整得好好，好驚喜，所以我地亦refill 左香草巴和脆片及意大利肉醬，好正
自家製麵包醬配意大利香草包
44 瀏覽
0 讚好
0 留言
📍Starter - (上) 意式焗釀蕃茄 - 蕃茄內裡釀著肉醬配上cheese, 而蕃茄又juicy, 調味唔錯，而口感好豐富，不過有少少同我地食麵包既肉醬重疊咗，但我地都like 😋
(下)西班牙紅蝦他他 - 有蝦有西芹，配上沙律醬做成的他他，top 淋上用豉油煮成既泡泡汁鋪面，略嫌豉油汁咸左啲，搶左啲味。
（上)意式焗釀蕃茄 (下) 西班牙紅蝦他他
49 瀏覽
0 讚好
0 留言
📍Soup - (上) 鮮露荀蟹肉忌廉湯 - 非常好飲， 帶出陣陣蟹味，好creamy好rich, 配上麵包粒好夾，冇得輸，讚👍🏻
(下) 意大利雜菜湯 - 相比之下略為淡口，但有唔同蔬菜煮成，真材實材。
(上)鮮露荀蟹肉忌廉湯 (下) 意大利雜菜湯
33 瀏覽
0 讚好
0 留言
📍 Entree - (上) 香煎鵝肝 - 鵝肝煎得剛剛熟，creamy，入口帶溶既感覺，仲有陣陣鵝油，成塊法包已經吸晒，伴碟有車厘子醬，都幾特別。
(下) 香脆蝸牛薯蓉球 - 新鮮炸起好夠熱，有點燙口，外脆內軟滑，而且薯蓉調味適中⋯中間係有一隻蝸牛架
(上)香煎鵝肝 (下) 香脆蝸牛薯蓉球
35 瀏覽
0 讚好
0 留言
📍 番石榴雪葩 - 食到中段，已經飽飽地，waiter 帶來一杯番石榴雪葩，就好似及時雨咁，幫我地清下油膩感，清清口腔去品嚐main course。而我幾鍾意呢個雪葩，好fresh
番石榴雪葩
24 瀏覽
0 讚好
0 留言
📍 Main course - (上) 澳洲M9 和牛肉眼扒 - T先生揀左4成熟，牛扒煎得唔錯有肉味，但呢塊扒既筋多左啲⋯ 伴有露荀，蕃茄仔，粟米仔。我覺得煎得幾好食，T先生都食得好津津有味☺️
澳洲M9和牛肉眼扒
18 瀏覽
0 讚好
0 留言
(下) 香煎智利鱸魚 - 讚 鱸魚好大件，魚皮煎得香脆，魚肉煎得好嫩口，有魚味，煎到呢個水平，係要用心有耐性地慢慢煎，不要煎得過熟而嚡口。我地食得出外脆內嫩既鱸魚肉，令我地好驚喜，伴碟有薯蓉和蕃茄仔⋯
香煎智利鱸魚
26 瀏覽
0 讚好
0 留言
📍 食完已經飽晒，waiter 為我地帶來玫瑰花茶和小吃 petit four
(上) 玫瑰花茶幾fresh, 飲上口好舒服。
(下) petit four - Earl grey macaroon, 榛子朱古力，raspberry 白朱古力，和蝴蝶酥。本來冇打算食，因為飽緊，但咁吸引同埋唔好浪費呀，首選榛子朱古力，其次raspberry 白朱古力，之後Earl grey macaroon
花茶 + petit four
45 瀏覽
0 讚好
0 留言
📍Dessert - 蘋果肉桂卷 - 這是全晚最驚喜的。肉桂卷皮好脆口，而蘋果肉桂調味剛好而不會過甜，兩者合起來好match, 卷皮唔會因為肉桂餡而變腍變軟，仲keep得好脆口。伴碟又靚，肉桂卷下鋪左餅碎，伴以雲呢拿雪糕一齊吃，一凍一熱，口感特別，T先生對於甜品其實就好一般，但他亦極讚呢款甜品。
蘋果肉桂卷配雲呢拿雪糕
25 瀏覽
0 讚好
0 留言
餐廳知道今日主題為慶祝生日，都有為我地影了即影即有相片，亦在另一款甜品上，落happy birthday 和加一支蠟燭☺️☺️
我地用餐時間大概用左3小時，慢慢食，T先生亦好滿意。餐廳雖然只得我地呢枱booking, 但絕不馬虎求其，亦很有耐性解說和幫我地影相 最後，用cash 結帳有8折，這個價錢有這樣的高質素, 意外地包埋場，讚如果要慶祝生日或紀念日，這裡也是不錯選擇👍🏻😊
張貼
