影片
更多
2019-08-16
130 瀏覽
今日係同老公既相識紀念日~佢話呢間餐廳又浪漫服務又好食物又精緻所以帶我黎試下~地點位於Cubus 28樓~居高臨下~一入餐廳已經覺得成個環境好有氣氛，連檯上既餐具同擺設都好精緻~呢度既set dinner前菜、湯、主菜同甜品都有幾款選擇，仲會間中轉menu，所以之後再黎食都有新鮮感~海鹽牛油果蟹肉藜麥沙律前菜揀左海鹽牛油果蟹肉藜麥沙律，牛油果同藜麥係superfood~將佢地融合一齊製成沙律真係又健康又好食~賣相仲好可愛地製成壽司咁款~又食得又睇得~花膠螺頭片波士頓龍蝦湯花膠螺頭片係我印象中係中式食材，龍蝦湯係西式，呢個中西合壁既湯好特別~真係第一次試~龍蝦湯飲落creamy有蝦味，花膠螺頭片同龍蝦肉一齊食有咬口又夠鮮味!估唔到佢地配合埋一齊係咁夾~盆曬生抽安格斯乾炒牛河係咁高級既餐廳有乾炒牛河食真係估佢唔到~但食落就知點解佢會係menu出現~平時食茶餐廳既乾炒牛河只會一味食到好油既感覺，但呢度既乾炒牛河有濕潤度之餘唔會覺得油膩，而且牛肉夠大塊肉味又濃，勁快俾老公掃哂!西班牙伊比利亞黑毛豬鞍自從第一次食過黑毛豬鞍之後就番唔到轉頭，見呢度有就即刻叫左~黑毛豬鞍表面燒得焦脆，肉質厚實，咬落
呢度既set dinner前菜、湯、主菜同甜品都有幾款選擇，仲會間中轉menu，所以之後再黎食都有新鮮感~
海鹽牛油果蟹肉藜麥沙律
前菜揀左海鹽牛油果蟹肉藜麥沙律，牛油果同藜麥係superfood~將佢地融合一齊製成沙律真係又健康又好食~賣相仲好可愛地製成壽司咁款~又食得又睇得~
花膠螺頭片波士頓龍蝦湯
花膠螺頭片係我印象中係中式食材，龍蝦湯係西式，呢個中西合壁既湯好特別~真係第一次試~龍蝦湯飲落creamy有蝦味，花膠螺頭片同龍蝦肉一齊食有咬口又夠鮮味!估唔到佢地配合埋一齊係咁夾~
盆曬生抽安格斯乾炒牛河
係咁高級既餐廳有乾炒牛河食真係估佢唔到~但食落就知點解佢會係menu出現~平時食茶餐廳既乾炒牛河只會一味食到好油既感覺，但呢度既乾炒牛河有濕潤度之餘唔會覺得油膩，而且牛肉夠大塊肉味又濃，勁快俾老公掃哂!
西班牙伊比利亞黑毛豬鞍
自從第一次食過黑毛豬鞍之後就番唔到轉頭，見呢度有就即刻叫左~黑毛豬鞍表面燒得焦脆，肉質厚實，咬落去肉汁四溢，旁邊位置帶有油香~點埋醬汁好食到不得了~旁邊既雜菜薯蓉都好有心思，用上唔係平時常見既蔬菜~而薯蓉夠哂creamy亦帶牛油香~
黑珍珠海膽燒賣
Menu中仲有點心選擇，燒賣就食得多，黑珍珠海膽燒賣真係未見過，食落口有種海水既鮮味，黑珍珠咸咸地，配埋海膽感覺好新鮮，燒賣入面半肥瘦豬肉加冬菇，香氣十足!
是日精選蛋糕
好幸運是日精選蛋糕係我最愛既chocolate mousse cake~賣相精緻討好~表面既可可粉點帶甘苦，配埋甜味既濃朱古力mousse，口感結實，旁邊仲有士多啤梨同藍莓~酸酸地平衡番朱古力既甜味~成個配撘好美味!
總括黎講呢度環境、氣氛同食物真係一流，最誇張既係佢地服務好到不得了~侍應會留意住你幾時食完再幫你換碟同加水都不特止，走既時候仲會送我地走~所以真係值得俾滿分!
張貼
